Uzbrojenyja ludzi ŭ Jerevanie, jakija ŭtrymlivali amal tydzień u adździaleńni palicyi niekalkich čałaviek, vyzvalili ŭsich zakładnikaŭ.
Pavodle infarmacyi Słužby nacyjanalnaj biaśpieki Armienii, apošnimi vyzvalili namieśnika kiraŭnika palicyi Armienii hienierał-majora Vardana Jehiazarana i namieśnika načalnika palicyi Jerevana pałkoŭnika Valeryja Asipiana.
U subotu ranicaj stała viadoma ab vyzvaleńni dvaich z čatyroch zakładnikaŭ, jakija zastavalisia na toj momant. Takim čynam, paśla vyzvaleńnia Jehiazarana i Asipiana ŭ zachoplenym budynku zakładnikaŭ nie zastałosia.
Uzbrojenyja ludzi zachapili budynak adździaleńnia palicyi na ŭskrainie Jerevana 17 lipienia.
Jany patrabavali vyzvalić kaardynatara apazicyjnaha «Ustanoŭčaha parłamienta» Žyrajra Siefilana, jaki znachodzicca pad aryštam pa abvinavačvańni ŭ niezakonnym nabyćci i zachoŭvańni zbroi.
U chodzie napadu na palicejski ŭčastak adzin supracoŭnik palicyi byŭ zabity, jašče šaściora atrymali ranieńni.
18 lipienia z zachoplenaha adździaleńnia palicyi byli vyzvalenyja dva zakładniki, paśla čaho ŭ budynku zastalisia čaćviora zachoplenych u pałon palicejskich.
U dzień zachopu palicejskaha adździaleńnia dziasiatki ludziej byli zatrymanyja palicyjaj na płoščy Svabody ŭ centry Jerevana. Siarod zatrymanych byli nie tolki prychilniki ruchu «Ustanoŭčy schod» i aktyvisty apazicyi, ale i zvyčajnyja hramadzianie.
Staršynia Chielsinkskaha kamiteta Armienii Aviecik Išchanian nazvaŭ dziejańni palicejskich palavańniem na ludziej.
«Ja ŭžo kazaŭ žurnalistam, što pajšoŭ na płošču (Svabody), kab pabačyć na svaje vočy. Zatrymlivajuć ŭsich biez razboru. Heta sapraŭdnaje palavańnie na ludziej. Nie dumaju, što situacyja, jakaja skłałasia, moža apraŭdvać masavyja zatrymańni. Mianie heta vielmi turbuje i naściarožvaje», — skazaŭ pravaabaronca.
Namieśnik načalnika palicyi Armienii Unan Pahasian paźniej nastojvaŭ na tym, što palicyja dziejničała ŭ ramkach zakona.
-
Biełaruski bienzin bje pa kašalkach maskvičoŭ: AZS Rasii vymušany kuplać darahoje paliva ź Biełarusi
-
Kiraŭnik MZS Ukrainy rezka adreahavaŭ na pazbaŭleńnie Zialenskaha ordena i viarnie svaju polskuju ŭznaharodu
-
Prezident Polščy pazbaviŭ Zialenskaha Ordena Biełaha Arła — najvyšejšaj dziaržaŭnaj uznaharody krainy
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary