Śledčy kamitet rasśleduje kryminalnuju spravu pa fakcie hibieli žycharki Viciebska ŭ vyniku niaŭdałaha skačka z parašutam. Pakul pravodzicca papiaredniaje rasśledavańnie. Trahiedyja adbyłasia 3 lipienia.
Jak infarmuje BiełaPAN, skačok arhanizavaŭ muž zahinułaj, aficer. Jamu vystavili abvinavačańnie pa artykule «złoŭžyvańnie ŭładaj, pieravyšeńnie ŭłady albo biaździejnaść ułady» (č. 3 art. 455 KK). Aficeru pahražaje pakarańnie ŭ vyhladzie pazbaŭleńnia voli na termin ad 5 da 12 hadoŭ.
Ad dalejšych kamientaroŭ pa hetaj spravie ŭ Śledčym kamitecie admaŭlajucca, adznačaje BiełaPAN.
Viadoma, što dla skačka vykarystoŭvaŭsia samalot, jaki naležyć Viciebskamu aerakłubu DTSAAF. Adnak damova arendy była zaklučana z vajskovaj častkaj, a nie ź fizičnaj asobaj. Zahinułaja vajennasłužačaj nie źjaŭlałasia, u častcy nie pracavała. Dla skačka vykarystoŭvałasia abstalavańnie, jakoje znachodzicca na bałansie vajskovaj častki.
U Ministerstvie abarony ad kamientaroŭ admaŭlajucca. Vajskovaja častka 97020 źjaŭlajecca zakrytaj elitnaj, viadomaja jak armiejski śpiecnaz. Jaje bajcy prymali ŭdzieł u antyterarystyčnych vučeńniach razam sa śpiecnazam KDB, MUS i Dziaržpahrankamiteta.
Viadoma, što zahinułaj było 34 hady. U Viciebsku siamju charaktaryzujuć tolki sa stanoŭčaha boku. Muž i žonka vychoŭvali niepaŭnaletniaje dzicia.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary