Hramadstva4646

Regnum.ru: Makiej na vulicy Zybickaj rychtuje majdan, a ŭładu na Zachadzie zachapili satanisty

Novaje dno ŭ analitycy prabiŭ sajt regnum.ru i jaho aŭtar, kiraŭnik prarasijskaha sajta Impieryja.baj Juryj Barančyk. Jon doŭhi čas pracavaŭ u Akademii kiravańnia pry prezidencie Biełarusi. Potym Barančyk źjechaŭ u Maskvu, dzie zajmaje pasadu vykanaŭčaha dyrektara Instytuta infarmacyjnych vojnaŭ.

Juryj Barančyk zadajecca pytańniem, chto budzie kiravać Biełaruśsiu paśla Łukašenki. Analityk upeŭnieny, što druhi dyktatar zapar u jeŭrapiejskaj krainie («jeŭrapiejskaja cyvilizacyja, da jakoj apošnim časam adnosić siabie Biełaruś, praktyčna nie viedaje prykładaŭ, kali adnaho dyktatara źmianiaŭ inšy») niemahčymy.

«Łukašenka moža pakinuć pierajemnika, ale dzie harantyja, što jaho nie źjeść čynavienskaja elita?» — zadajecca pytańniem aŭtar. Suvymiernych Łukašenku pa charyźmie čynoŭnikaŭ i palitykaŭ u Biełarusi Barančyk nie bačyć.

«Paśla dyktatara prychodzić albo błazan, albo zdradnik», — upeŭnieny spadar Barančyk.

Dalej jon razhortvaje mahčymyja padziei jak sapraŭdny fantast, palotu dumak analityka mahli b pazajzdrościć mnohija piśmieńniki. Kiraŭnik Instytuta infarmacyjnych vojnaŭ pierachodzić da piersanalij, jakija mahli b zaniać pasadu prezidenta.

«Na siońnia ja baču tolki dźvie mahčymyja kandydatury – heta Viktar Łukašenka i Uładzimir Makiej.

Kali jość jašče nadzieja, što syn budzie ruchacca ŭ rečyščy palityki baćki, to pra Uładzimira Makieja heta niemahčyma skazać. Asabliva razumiejučy, što adbyvajecca ŭ zamiežnaj palitycy i nazirajučy za transfarmacyjami Minska, u jakim užo nie chavajučysia ad kiraŭnika dziaržavy, rychtujecca majdan», — kaža Juryj Barančyk.

Analityk upeŭnieny, što, kali paraŭnoŭvać aparatnuju vahu Viktara Łukašenki i Makieja, to apošni ŭpeŭniena pieramoža na vybarach.

«Praktyčna ŭsia respublikanskaja elita znachodzicca pad Makiejem.

Takaja sistema budzie, kali Łukašenka nie paśpieje pieradać uładu pierajemniku jašče pry žyćci — strach u čynoŭnikaŭ źniknie, i jany zaprasta lahuć pad Makieja».

Barančyk ličyć, što prajekt Makieja ŭklučaje ŭ siabie «jeŭrapieizacyju Biełarusi, katalicyzacyju, adryŭ ad Ruskaha śvietu, pieraŭtvareńnie Biełarusi ŭ takuju Šviejcaryju, dzie čynoŭniki kirujuć spakojnym narodam». «U vyniku hetaj miakkaj hulni ŭ «suvierenitet» Biełaruś stanovicca praz paru hadoŭ elemientam polskaj (nasamreč amierykanskaj) kancepcyi Mižmorja».

Vo napałochaŭ! Biełaruś stanie Šviejcaryjaj — heta sapraŭdy scenar ź filma žachaŭ.

Paśla hetaha Barančyk pierachodzić da razvah jak mienavita ŭ Minsku rychtujuć Majdan. Akazvajecca, što robicca heta praz… vulicu Zybickuju, tusovačnaje miesca ŭ stalicy.

«U Minsku adbyvajecca desakralizacyja centra. Majecca na ŭvazie płošča la Ratušy i vulica Zybickaja. Kožnyja vychodnyja tam ładziacca kancerty, masavyja mierapryjemstvy, hulańni moładzi da ranicy. Chtości skaža — što tut takoha, va ŭsim zachodnim śviecie tak. I heta sapraŭdy tak — uładu ŭ zachodnim śviecie daŭno zachapili satanisty i ciapier viaduć da ŭłady ŭ ZŠA Chiłary Klintan», — jak vam? Makiej, Zybickaja, satanisty, akazvajecca, źviony adnaho łancuha.

Barančyk ličyć, što ŭ Kijevie Majdan pačynaŭsia hetak sama, moładź zamiest taho, kab pić u padjezdach, pačała pryjazdžać u modnyja bary ŭ centr. «A potym muzyčnuju častku pieraakcentavali na palityčnuju. Natoŭp pačaŭ dumać, što jon prymaje rašeńni».

«Prajekt Makieja — heta prajekt Biełarusi nie jak navukova-pramysłovaha kłastara (savieckaja BSSR i łukašenkaŭskaja Biełaruś), a heta prajekt Biełarusi jak handlova-zabaŭlalnaha centra dla ŭsioj Jeŭropy z usimi vynikajučymi vysnovami», — ličyć Barančyk.

U prarasijskich analitykaŭ, jak Barančyk ci Siarhiej Šyptenka, pajšoŭ novy trend: jany bajacca, što Biełaruś pierastanie być industryjalnaj krainaj, a praz heta niepaźbiežna źnizicca ŭpłyŭ Rasii na našu krainu.

Juryj Barančyk sprabuje pierakanać, što Rasija nie zacikaŭlenaja, kab «zadavić Biełaruś, skinuć Łukašenku i pastavić svajho hienierał-hubiernatara». «Rasii patrebnaja mocnaja i stabilnaja Biełaruś», — ličyć aŭtar. Naturalna, što całkam łajalnaja da Rasii.

Takim čynam rasijskija šavinisty sprabujuć siońnia dyskredytavać ministra zamiežnych spravaŭ Makieja. Nastupnym krokam było b nazvać kahości z pradstaŭnikoŭ biełaruskaj ułady ci apazicyi «reptyłoidami», jakim chočacca padparadkavać Biełaruś inšapłanietnikam. Dumajecca, što navat takoje tryźnieńnie ŭ Maskvie b ščodra apłacili.

Kamientary46

Trahiedyja ŭ Dokšycach: skončyła žyćcio samahubstvam 15-hadovaja viaskovaja vydatnica1

Trahiedyja ŭ Dokšycach: skončyła žyćcio samahubstvam 15-hadovaja viaskovaja vydatnica

Usie naviny →
Usie naviny

A1 źbirajecca padarvać manapoliju «Jandeksa» na rynku biełaruskaha taksi3

Staršynia «Hramady» Vilski znajšoŭ vinavatych u publikacyi fejkavaj zajavy pra Cichanoŭskuju. I padumvaje źviartacca ŭ palicyju12

Novy preparat moža viarnuć zrok i spynić nastupstvy stareńnia mozhu2

Zasnavany biełarusam samy darahi małady startap u śviecie prapanuje źlicca z TikTok1

Što za «Sihma boj»? Hetaj virusnaj pieśniaj zaniepakoilisia ŭ Jeŭraparłamiencie26

«Łuč» vypuściŭ novuju kalekcyju ŭ styli słuckich pajasoŭ1

«Jon na nastupny termin nie budzie abiracca». Słovy Łukašenki 26 studzienia analizuje Mikoła Buhaj33

U Demakratyčnaj Respublicy Konha paŭstancy zachapili bujny horad1

Spačatku hryp, potym depresija? Vučonyja bačać uzajemasuviaź

bolš čytanych navin
bolš łajkanych navin

Trahiedyja ŭ Dokšycach: skončyła žyćcio samahubstvam 15-hadovaja viaskovaja vydatnica1

Trahiedyja ŭ Dokšycach: skončyła žyćcio samahubstvam 15-hadovaja viaskovaja vydatnica

Hałoŭnaje
Usie naviny →

Zaŭvaha:

 

 

 

 

Zakryć Paviedamić