Pamier biudžetu pražytačnaha minimumu (BPM) u Biełarusi z 1 lutaha pavialičvajecca na 2,2% i składzie 447,64 rubla. Adpaviedna, pavialičacca pryviazanyja da hetaha pakazčyka dapamohi na dziaciej, dapłaty piensijanieram i inšyja vypłaty, paviedamiła pres-słužba Minpracy. Novy pamier BPM budzie dziejničać da 30 krasavika.
Dla pracazdolnych biełarusaŭ jon u siarednim dasiahnie 477,22 rubla, dla piensijanieraŭ — 326,72 rubla, dla dziaciej da 3 hadoŭ — 280,87 rubla, ad 3 da 6 hadoŭ — 376,96 rubla, ad 6 da 18 hadoŭ — 442,76 rubla.
Takim čynam, pamier dapamohi pry naradžeńni pieršaha dziciaci składzie 4476,4 rubla, druhoha i nastupnych — 6266,96 rubla. Štomiesiačnaja dapamoha siemjam u pieryjad vychavańnia dziciaci va ŭzroście da 3 hadoŭ pavialičycca da 223,82 rubla.
Na 2,2% pavialičacca taksama pamiery dapamoh dla asobnych katehoryj siemjaŭ, jakija vychoŭvajuć dziaciej starejšych za 3 hady, dapamohi pa dohladzie za dziećmi-invalidami, dziećmi, infikavanymi virusam imunadeficytu, i inšyja dapamohi.
Pamier uzrostavaj dapłaty da piensii dla asob va ŭzroście 75—79 hadoŭ ciapier składzie 83,93 rubla, va ŭzroście 80 hadoŭ i starejšych — 167,87 rubla, a pry najaŭnaści invalidnaści I hrupy — 223,82 rubla.
Ciapier čytajuć
«Kali mnie prylacić, ja hatovaja». Nasta Rahatko — pra seks-scenu ŭ svajoj knizie, prarasijskich svajakoŭ, Hajun i Matolku47
Kamientary