Ministerstva zamiežnych spraŭ Litvy ŭručyła notu časovaj pavieranaj u spravach Biełarusi ŭ krainie Ludmile Tatarynovič «z nahody pavietranaha sudna nieŭstanoŭlenaha typu, jakoje 11 žniŭnia 2016 hoda parušyła dziaržaŭnuju miažu Litoŭskaj Respubliki ŭ pavietranaj prastory z boku Respubliki Biełaruś». Paviedamleńnie ab hetym raźmieščana na sajcie litoŭskaha źniešniepalityčnaha viedamstva.
«Słužby nazirańnia za pavietranaj prastoraj zafiksavali, što 11 žniŭnia 2016 hoda ŭ 10-hadzin 37 chvilin (pa časie Litoŭskaj Respubliki) pavietranaje sudna nieŭstanoŭlenaha typu, jakoje prylacieła z Respubliki Biełaruś, dva razy parušyła dziaržaŭnuju miažu Litoŭskaj Respubliki ŭ pavietranaj prastory kala samakiravańnia Łaździjajskaha rajona. Parušeńnie pavietranaj prastory Litoŭskaj Respubliki praciahvałasia da 10 hadzin 47 chvilin», — skazana ŭ paviedamleńni.
Ministerstva zamiežnych spraŭ Litvy zapatrabavała ad Biełarusi «jak maha chutčej padać tłumačalnuju z nahody vyšejzhadanaha incydentu», a taksama zaklikała pryniać usie nieabchodnyja miery, kab u budučyni takija incydenty nie paŭtaralisia.
U pres-słužbie Minabarony Biełarusi fakt parušeńnia pavietranaj prastory Litvy nie paćvierdzili.
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary