U kryvi biełaruskaj alimpijskaj nadziei znojdzieny mieldonij
Biełarus, jaki ličyŭsia adnym z hałoŭnych pretendentaŭ na pieramohu ŭ Rya, adchileny ad spabornictvaŭ.
U adpaviednaści z rašeńniem NADA RB (Nacyjanalnaje antydopinhavaje ahienctva Respubliki Biełaruś) biełaruski taekvandyst Arman Maršał Siła (u proźviščy nacisk na apošni skład) časova adchileny ad udziełu ŭ spabornictvach, što praktyčna vyklučaje jaho ŭdzieł u Alimpijskich hulniach — 2016.
Pryčynaj takoha rašeńnia źjaŭlajecca najaŭnaść u dopinh-probie spartoŭca zabaronienaha preparata mieldonij.
Doktarka nacyjanalnaj kamandy Volha Žarko, sam Arman Maršał Siła i jaho asabisty trenier Julija Suchavickaja całkam admaŭlajuć ŭžyvańnie dadzienaha preparata i dali zhodu na prachodžańnie pravierki z vykarystańniem palihrafa, jakaja adbudziecca zaŭtra, 14 žniŭnia.
Kiraŭnictva Biełaruskaj fiederacyi taekvando ŭpeŭnienaja ŭ nievinavataści spartoŭca i treniera, bo dadzieny preparat nie vykarystoŭvaŭsia navat u pieryjad, kali nie ŭvachodziŭ u śpis zabaronienych preparataŭ, pra što śviedčać vyniki analizu troch dopinh-probaŭ spartsmiena (jany byli zdadzieny ŭ studzieni, lutym i krasaviku hetaha hoda).
«Kančatkovyja vysnovy možna budzie zrabić tolki pa vynikach rasśledavańnia. My ćviorda ŭpeŭnieny ŭ nievinavataści Armana Maršała Siły i budziem adstojvać hetuju praŭdu usimi mahčymymi sposabami. Ciapier pačata rasśledavańnie i prymajucca ŭsie miery dla vyrašeńnia hetaha pytańnia. Prosim usich, chto vałodaje luboj infarmacyjaj, jakaja moža być vykarystana ŭ chodzie rasśledavańnia źviarnucca pa telefonie: (375-29) 351-06-55. Kanfidencyjnaść harantujecca», — kamientuje situacyju namieśnik staršyni BFT Andrej Čučvał.
«Arman mieŭ vylecieć u Rya ŭ paniadziełak, adnak jaho ŭdzieł u Alimpijadzie ciapier pad sumnievam. Nam treba kansalidavać svaje namahańni, kab dać hodny adpor voraham, jakija ŭsialak sprabujuć pieraškodzić vychadu biełaruskaha taekvando na Alimp. Ich proźviščy my z vami, na žal, viedajem», — havorycca ŭ zajavie BFT.
Arman Maršał Siła naradziŭsia 13 lipienia 1994 hoda ŭ Minsku. Vystupaje ŭ katehoryi zvyš 87 kh. Dvuchrazovy čempijon Jeŭropy (2014, 2016). Debiutant Alimpijskich hulniaŭ.
Ciapier čytajuć
Łukašenka nazvaŭ patrabavańni i pretenzii da Litvy: alternatyŭny ŭrad, charuhvy, port, mašyny dla Zimbabve, sanatoryj58
Łukašenka nazvaŭ patrabavańni i pretenzii da Litvy: alternatyŭny ŭrad, charuhvy, port, mašyny dla Zimbabve, sanatoryj
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1717
Kamientary