Jak tysiačy minčukoŭ adśviatkavali dzień naradžeńnia hrafa Čapskaha pa-biełarusku
U Minsku ŭpieršyniu prajšoŭ biełaruskamoŭny fiestyval u honar dnia naradžeńnia hrafa Čapskaha. Fiestyval zajmieŭ nazvu «A-fest», a arhanizataram mierapryjemstva stała kampanija «Alivaryja». Miescam praviadzieńnia byŭ abrany Łošycki park.
A-fest pazicyjanavaŭ siabie jak jeŭrapiejski fest piva i ježy. Hienieralny dyrektar kampanii «Alivaryja» Dzianis Šarścieńnikaŭ upeŭnieny, što biełarusy hatovyja da jeŭrapiejskaha adpačynku.
«Kampanija «Alivaryja» palubiła ciopłyja jeŭrapiejskija fiestyvali na travie pad adkrytym niebam. Sioleta my vyrašyli pasprabavać pravieści padobny fest u nas. Nam by chaciełasia prynieści ŭ Minsk kulturu parkavaha adpačynku — jak u Łondanie ci ŭ Ńju-Jorku. Upeŭnieny, što biełarusy hatovyja adpačyvać u takim farmacie».
Pry hetym kiraŭnik kampanii adznačyŭ, što biełaruskaja mova hraje vialikuju rolu na takich fiestyvalach. Kampanija maje biełaruskamoŭny brend i imkniecca vieści całkam usiu kamunikacyju pa-biełarusku.
Na sioletnim fiestyvali biełaruskaja mova była sapraŭdy paŭsiul.
Akramia hetaha pry zvarocie pa-biełarusku niekatoryja pradaŭcy imknulisia adkazvać na rodnaj movie.
Akramia biełaruskamoŭnaści, fiestyval ciešyŭ haściej roznymi hulniami. Jany byli raźmierkavanyja pa ŭsioj terytoryi parku.
Pakolki fiestval byŭ biaspłatny, to za ceły dzień jaho naviedała vialikaja kolkaść ludziej. Pa padlikach arhanizataraŭ — kala 70 tysiač.
Ludzi byli sapraŭdy absalutna roznaha uzrostu, stylu i h.d. Nielha nie adznačyć, što było dastatkova ludziej u vyšymajkach, simvolikaj hurta Brutto, prosta nacyjanalnym arnamientam.
Ale samym uražlivym była atmaśfiera na fiestyvali. Ludzi abjadnoŭvalisia, kab zhulać u hulni XIX i XXI stahodździa, razam tančyli na fiestyvali. Stolki raznastajnych ludziej, jakija pryjšli pavinšavać hrafa Čapskaha, adpačyć dy pasłuchać muzyku.
Viadoma, nie abyšłosia biez typovych prablem biełaruskich fiestyvalaŭ: niedachop prybiralniaŭ i miescaŭ charčavańnia.
Taksama ludzi vykazali notku niezadavolenaści ŭ suviazi z tym, što AMAP zabaraniŭ pradavać piva paśla 20:00, uličvajučy, što fiestyval skončvaŭsia a 23-aj. Heta byŭ nie zahad arhanizataraŭ, a ŭmova pravaachoŭnych orhanaŭ.
Kali pahladzieć, kolki ludziej sabrałasia pierad scenaj na chedłajnieraŭ «A-fest» — łatvijski hurt «Brainstorm», to možna zrabić vysnovu, što ludziam heta nie asabliva pieraškodziła adpačyć.
A ci byli vy na fiestyvali? Jakija zastalisia ŭražańni? Vykazvajciesia ŭ kamientach!
Ciapier čytajuć
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii42
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja2020
Kamientary