Як тысячы мінчукоў адсвяткавалі дзень нараджэння графа Чапскага па-беларуску
У Мінску ўпершыню прайшоў беларускамоўны фестываль у гонар дня нараджэння графа Чапскага. Фестываль займеў назву «А-fest», а арганізатарам мерапрыемства стала кампанія «Аліварыя». Месцам правядзення быў абраны Лошыцкі парк.
А-fest пазіцыянаваў сябе як еўрапейскі фэст піва і ежы. Генеральны дырэктар кампаніі «Аліварыя» Дзяніс Шарсценнікаў упэўнены, што беларусы гатовыя да еўрапейскага адпачынку.
«Кампанія «Аліварыя» палюбіла цёплыя еўрапейскія фестывалі на траве пад адкрытым небам. Сёлета мы вырашылі паспрабаваць правесці падобны фэст у нас. Нам бы хацелася прынесці ў Мінск культуру паркавага адпачынку — як у Лондане ці ў Нью-Ёрку. Упэўнены, што беларусы гатовыя адпачываць у такім фармаце».
Пры гэтым кіраўнік кампаніі адзначыў, што беларуская мова грае вялікую ролю на такіх фестывалях. Кампанія мае беларускамоўны брэнд і імкнецца весці цалкам усю камунікацыю па-беларуску.
На сёлетнім фестывалі беларуская мова была сапраўды паўсюль.
Акрамя гэтага пры звароце па-беларуску некаторыя прадаўцы імкнуліся адказваць на роднай мове.
Акрамя беларускамоўнасці, фестываль цешыў гасцей рознымі гульнямі. Яны былі размеркаваныя па ўсёй тэрыторыі парку.
Паколькі фестваль быў бясплатны, то за цэлы дзень яго наведала вялікая колькасць людзей. Па падліках арганізатараў — каля 70 тысяч.
Людзі былі сапраўды абсалютна рознага узросту, стылю і г.д. Нельга не адзначыць, што было дастаткова людзей у вышымайках, сімволікай гурта Brutto, проста нацыянальным арнаментам.
Але самым уражлівым была атмасфера на фестывалі. Людзі аб'ядноўваліся, каб згуляць у гульні XIX і XXI стагоддзя, разам танчылі на фестывалі. Столькі разнастайных людзей, якія прыйшлі павіншаваць графа Чапскага, адпачыць ды паслухаць музыку.
Вядома, не абышлося без тыповых праблем беларускіх фестываляў: недахоп прыбіральняў і месцаў харчавання.
Таксама людзі выказалі нотку незадаволенасці ў сувязі з тым, што АМАП забараніў прадаваць піва пасля 20:00, улічваючы, што фестываль скончваўся а 23-ай. Гэта быў не загад арганізатараў, а ўмова праваахоўных органаў.
Калі паглядзець, колькі людзей сабралася перад сцэнай на хэдлайнераў «А-fest» — латвійскі гурт «Brainstorm», то можна зрабіць выснову, што людзям гэта не асабліва перашкодзіла адпачыць.
А ці былі вы на фестывалі? Якія засталіся ўражанні? Выказвайцеся ў каментах!
Цяпер чытаюць
«Калі б не «Вясна-1996, мы б былі Татарстанам». 30 гадоў таму беларусы ўжо пратэставалі супраць Лукашэнкі і Расіі — як гэта было7
Каментары