U sietcy minskich dziciačych kramaŭ pradajecca nabor «Vietlivyja ludzi» — ekśpiertyza dazvalaje
U sietcy dziciačych kramaŭ «Buślik» u Minsku pradajecca dziciačy nabor «Vietlivyja ludzi». Hetaje fota ŭ svaim fejsbuku apublikavaŭ Siarhiej Bachun.
«Vietlivyja ludzi» — heta nazva rasijskich vojskaŭ, narodžanaja prapahandaj paśla akupacyi Kryma ŭviesnu 2014 hoda.
Tady, praz unutryŭkrainski kryzis i niazdolnaść adkazać siłaj na siłu, ruskija zachapili paŭvostraŭ biez adzinaha strełu, na što prapahandysty prydumali vyraz «Vietlivaść harady biare» i prazvali rasijskija vojski biez apaznavalnych znakaŭ «Vietlivymi ludźmi».
Inakš ich nazyvajuć «zialonymi čałaviečkami». Heta instrumient ahresii Kramla.
Ale jak taki palityzavany tavar trapiŭ na palicy biełaruskich dziciačych kramaŭ?
My datelefanavalisia ŭ adździeł roźničnaha prodažu «Buślika».
«My biarem unutry krainy, a značyć — siertyfikacyjnyja orhany robiać usie vyprabavańni. Značyć, ni ŭ kaho pytańniaŭ nie ŭźnikła, — skazała «Našaj Nivie» načalnica adździeła. — Roźničny prodaž pavinien adkazvać za raspaŭsiud tavaru, jaki svabodna siudy ŭvozicca i nijakaj zabarony na jaho raspaŭsiud niama».
Atrymlivajecca, što pierad tym, jak patrapić na palicu kramy, hetaja cacka prajšła pastaŭščyka — firmu «Źviezdnoje vriemia», i ekśpiertyzu ŭ Biełaruskim dziaržaŭnym instytucie mietrałohii.
Atrymać kamientaryj ad firmy-pastaŭščyka pakul nie atrymałasia, a ŭ BiełDIM nam skazali, što śpiecyjalisty adździeła siertyfikacyi pracujuć adpaviedna ź instrukcyjami, u jakija ŭvachodzić, naprykład, fizičnaja biaśpieka cacak — kab dzicia nie padaviłasia ci nie atruciłasia farbaj. Biaśpieka ideałahičnaja ŭ kampietencyju praviaralščykaŭ nie ŭvachodzić.
Ciapier čytajuć
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ8
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1919
Kamientary