Ułady Brazilii spynili ŭ aeraporcie Rya-de-Žaniejra płyŭcoŭ z ZŠA Hunara Benca i Džeka Konhiera, jakija źbiralisia vylacieć z krainy, paviedamlaje Alimpijski kamitet ZŠA.
Abodvuch mužčyn źniali z samalota, jaki nakiroŭvaŭsia ŭ ZŠA, paźniej jany buduć dapytanyja.
Čaćviora amierykanskich płyŭcoŭ raniej zajavili, što ŭ minułuju niadzielu stali achviarami ŭzbrojenaha rabavańnia ŭ taksi ŭ Rya-de-Žaniejra.
Adzin z płyŭcoŭ — Rajan Łochte — raspavioŭ, što na spartsmienaŭ napali, kali jany viartalisia ŭ alimpijskuju viosku ź viečarynki u Francuzskim alimpijskim domie.
Pa słovach amierykanca, ich taksi spynili ludzi, jakija vydavali siabie za aficeraŭ palicyi. Adzin ź ich prystaviŭ da hałavy Łochte pistalet i zabraŭ jaho hrošy i asabistyja rečy.
Ale brazilskaja palicyja paviedamiła, što pakazańni płyŭcoŭ nie supadajuć pamiž saboj, a taksama nie paćviardžajucca dadzienymi kamier videanazirańnia.
U Mižnarodnym alimpijskim kamitecie infarmacyju ab rabavańni spartsmienaŭ i zusim abvierhli.
Jašče dvum členam kamandy ZŠA pa płavańni, jakija fihurujuć u spravie, — Łochte i Džejmsu Fiejhienu — aficyjna zabaranili pakidać Braziliju. Praŭda, sam Łochte zdoleŭ viarnucca ŭ ZŠA dva dni tamu.
Advakat Łochte Džefry Ostraŭ skazaŭ Bi-bi-si, što spartsmien pakinuŭ Braziliju raniej, čym sudździa paśpieŭ apublikavać aficyjnuju zabaronu na jaho vyjezd.
Łochte źjaŭlajecca adnym z samych paśpiachovych płyŭcoŭ u historyi. Jon zavajavaŭ 12 alimpijskich miedaloŭ, u tym liku šeść załatych. U Rya spartsmien staŭ załatym pryzioram u estafiecie 4x200m volnym stylem.
Fiejhien u Brazilii taksama braŭ vyšejšuju ŭznaharodu Alimpijady ŭ zapłyvie 4x200m volnym stylem.
Ciapier čytajuć
«Ja skazaŭ na videa, što mianie nie katujuć — na toj momant heta było praŭdaj. A paśla mianie bili dźvie hadziny». Ukrainski žurnalist dva hady pravioŭ u rasijskim pałonie — voś što jon pieražyŭ1
Kamientary