«Sałodkaja hlina za 9 rubloŭ». Biełarusy spračajucca z-za cany na šakaładku «Alonka»
U tyktoku zavirusiłasia videa z canoj na šakaład «Alonka» — 9,39 rubla za 200 hramaŭ. Pad rolikam razharełasia haračaja sprečka: adnyja abaraniajuć jakaść i smak, inšyja aburanyja koštam, zaŭvažyła BGmedia.
«Heta narmalna za «Alonku»? — spytaŭ aŭtar videa, źniataha ŭ adnoj ź biełaruskich kramaŭ.
Kamientary pad rolikam padzialilisia na dva łahiery — adnyja ličać canu adekvatnaj, inšyja ŭ šoku ad padaražańnia.
«Za takija hrošy ŭ Polščy možna ŭziać Milka 300 hramaŭ»;
«U Jeŭropie šviejcarski — 3 jeŭra za 200 hramaŭ»;
«Lepš dadać i kupić kiłahram miasa».
Adnak abaroncy brenda nahadvajuć: kakava-baby daražejuć pa ŭsim śviecie, i Biełaruś — nie vyklučeńnie.
«Kakava padaražeła, a ŭ nas jana nie raście. Pryvykajcie da novych realij», — piša adzin z kamientataraŭ.
I sapraŭdy, z pačatku 2024 hoda suśvietnaja cana na kakavu vyrasła bolš čym udvaja, dasiahnuŭšy histaryčnaha maksimumu — bolš za 10 000 dalaraŭ za tonu. Pryčyny — nieŭradžai ŭ Kot-dJIvuary i Hanie (krainy-lidary pa vytvorčaści kakavy) i rost popytu.
Heta ŭpłyvaje na ŭsie rynki: ad ZŠA da Biełarusi. Pa danych Biełstata, za hod u Biełarusi ceny na šakaład i kandytarskija vyraby vyraśli ŭ siarednim na 20-30%. I heta tolki aficyjnaja statystyka.
«Kamunarka naohuł z duba lasnułasia, — aburajucca pakupniki. — Ceny amal udvaja padniała!»
Niekatoryja skardziacca i na smak:
«Raniej byŭ šakaład, a ciapier — sałodkaja hlina».
Ale znachodziacca i tyja, chto hatovy płacić:
«Dobry šakaład, z vydatnym składam, nie chimozny. Adekvatnaja cana».
Niekatoryja adznačajuć, što dola kakavy ŭ niedarahich plitkach moža być usiaho 10-20%. Astatniaje — cukar, suchoje małako i zamieńniki kakavavaha masła. Heta značyć, navat pry vysokaj canie nie zaŭsiody havorka idzie pra jakasny pradukt. Tym bol što zarobki ŭ bolšaści biełarusaŭ nie rastuć u tym ža tempie, što i ceny. Heta robić zvyčajnyja prysmaki ŭsio mienš dastupnymi.
«Z cenami ŭsio narmalna — heta zarobki ŭ nas nie adpaviadajuć», — reziumuje adzin z kamientataraŭ.
U minskim «Centralnym» znoŭ pradajuć kindary za biescań
Było 38 rubloŭ za kiło, stała 63? Ceńnik na cukierki «Kamunarki» vyklikaŭ sprečki siarod biełarusaŭ
U śviecie deficyt fistašak — usio praz modny desiert
U Biełarusi zabaranili rasijski šakaład Boucheron
Uviesnu paciahnuła na sałodkaje? Doktar raskazvaje, pra što heta moža śviedčyć
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary