 |
Biełaruskija vytvorcy sielskahaspadarčych mašyn patrabujuć vykanańnia haspadarkami praviłaŭ ekspluatacyi techniki. Jak adznačyŭ 3 červienia na bryfinhu namieśnik hałoŭnaha kanstruktara AAT «Amkador» Viačasłaŭ Siamaška, niapravilnaje absłuhoŭvańnie j niesvoječasovy ramont vyklikajuć pałomki, jakija paśla śpisvajuć na niedapracoŭki pradpryjemstva‑vytvorcy.
«Staŭleńnie da impartnaj i ajčynnaj techniki nieraŭnaznačnaje ŭ specyjalistaŭ haspadarak. Na darahich impartnych pahruzčykach pracujuć vysokakvalifikavanyja pracaŭniki, mašyny ŭtrymlivajucca ŭ idealnym paradku, vytrymlivajucca ŭsie ŭmovy ekspluatacyi, dla ich specyjalna zakupajucca alivy ź filtrami, a biełaruskija pahruzčyki časam navat nie prachodziać vytvorčuju pramyŭku», — skazaŭ Viačasłaŭ Siamaška.
Adnoj z pryčyn niaŭmiełaha absłuhoŭvańnia pradstaŭnik «Amkadora» nazvaŭ niedachop kvalifikavanych kadraŭ na siale. U praftechvučelniach u asnoŭnym navučajuć na ŭžo sastarełaj technicy, jakaja mała prymianiajecca na sielskahaspadarčych pracach.
