Ukrainskaja hienprakuratura raspačała kryminalnuju spravu ŭ dačynieńni da ministra abarony Rasii Siarhieja Šajhu i jašče 17 vysokapastaŭlenych rasijskich čynoŭnikaŭ, jakich u Kijevie padazrajuć u ździajśnieńni złačynstvaŭ suprać asnoŭ nacyjanalnaj biaśpieki Ukrainy, piša VVS.
«Usie padazravanyja abvieščanyja ŭ dziaržaŭny vyšuk, rychtujucca chadajnictvy ŭ sud ab pradastaŭleńni dazvołu na ich zatrymańnie z metaj dastaŭki ŭ sud dla razhladu chadajnictva ab prymianieńni miery strymańnia ŭ vyhladzie ŭtrymańnia pad vartaj», — zajaviŭ kiraŭnik viedamstva Juryj Łucenka.
Siarod padazravanych, pa słovach Łucenki, akramia Šajhu akazalisia dva jaho namieśniki, daradca rasijskaha prezidenta Siarhiej Hłaźjeŭ, były ŭpaŭnavažany pradstaŭnik prezidenta RF u Krymskaj fiederalnaj akruzie Aleh Biełaviencaŭ i 10 hienierałaŭ ź liku vyšejšaha kamandavańnia ŭzbrojenych sił RF.
Jak adznačyŭ Łucenka, dasudovym rasśledavańniem vyjaŭlena, što kožny z padazravanych, naŭmysna parušajučy šerah mižnarodnych narmatyŭna-pravavych aktaŭ, vykonvaŭ adkryta złačynny płan adnosna źmianieńnia miežaŭ terytoryi Ukrainy šlacham davańnia zahadaŭ Uzbrojenym siłam RF i kantralavanym pradstaŭnikam u samaabvieščanaj respublicy Krym terarystyčnych arhanizacyj «ŁNR/DNR», paviedamlaje «Ukrainskaja praŭda».
Na pytańnie ab tym, ci źbirajecca hienprakuratura raspačynać spravu ŭ adnosinach da rasijskaha prezidenta Uładzimira Pucina i premjer-ministra Dźmitryja Miadźviedzieva, Łucenka adkazaŭ: «Pracujem».
Ciapier čytajuć
Muž Siamaški byŭ nie adzinym, chto atrymaŭ pašpart prykryćcia 13 lutaha 2018 hoda17
Kamientary