Mabilny apieratar velcom zapuściŭ interaktyŭnaje telebačańnie dla stacyjanarnych kampjutaraŭ i noŭtbukaŭ. Ich uładalnikam stali dastupnyja bolš za 50 telekanałaŭ i biblijateka kinafilmaŭ biez taryfikacyi mabilnaha trafiku ŭnutry sietki, paviedamiła pres-słužba kampanii.
Ličbavaje TB možna zapuścić prosta ŭ braŭzary na lubym kampjutary z vychadam u internet. Raspracoŭščykam novaj płatformy vystupaje rasijskaja kampanija SPB TV.
Telebačańnie na kampjutarach budzie raźvivacca pad brendam voka. Hladzieć jaho na ekranach manitoraŭ pakul mohuć tolki abanienty velcom. Karystalnikam dastupnyja papularnyja telekanały, padzielenyja na šeść tematyčnych błokaŭ — ad sportu da kino. Praduhledžany i videakantent: biblijateka filmaŭ i sieryjałaŭ, anłajn-kinateatr Megogo i vialikaja padborka multfilmaŭ.
Interaktyŭnaje telebačańnie možna hladzieć jak u haradach, tak i ŭ sielskaj miascovaści. U vioscy ci na leciščy možna padłučycca da interaktyŭnaha TB praz 3G-sietku velcom, jakaja ciapier achoplivaje bolš za 70% terytoryi Biełarusi, a da kanca hoda pakryje 97% krainy.
Pieršy miesiac velcom prapanuje hladzieć ličbavaje telebačańnie na stacyjanarnych kampjutarach i noŭtbukach biaspłatna. U dalejšym buduć dziejničać taryfy, anałahičnyja cenam na mabilnaje TB: prahlad telekanałaŭ, jak i dostup da pakieta «voka videa Megogo», abyjducca ŭ 0,35 rubla (3.500 rubloŭ) u dzień. Dostup da biblijateki filmaŭ, a taksama telekanałaŭ z pakieta «voka dziciačy» — u 0,22 rubla (2.200 rubloŭ) za kožnuju padpisku.
«Raźvićcio ŭ Biełarusi novaj płatformy ličbavaha interaktyŭnaha TB daje karystalnikam vialikuju mabilnaść: ciapier telebačańnie i filmy možna hladzieć u lubym miescy i ź luboj pryłady», - zajaviŭ načalnik adździeła pa raspracoŭcy vobłačnych i kiravanych servisaŭ kampanii velcom Dźmitryj Kirylenka.
Stać abanientam ličbavaha TB možna praz prahramu voka abo śpiecyjalny web-resurs voka.tv.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Ciapier čytajuć
«Ja jechała ad vajny i bambiožak»: Jaŭhienija Čarniaŭskaja pra pierajezd na Kipr7
Kamientary