Ad Hrodna da Krakava za 8,5 hadziny i 21 jeŭra. Palaki raspaviali padrabiaznaści pra novy ciahnik
Mižnarodny ciahnik Hrodna — Krakaŭ zrobić svaju pieršuju pajezdku ŭžo 4 vieraśnia. Finansavać dadzieny čyhunačny kirunak budzie polski bok.
Z čyhunačnym rucham, jaki źviazvaŭ by Polšču i Biełaruś, u Hrodnie ŭsio składana. Ciahnik, jaki doŭhi čas chadziŭ u susiedniuju krainu, admianili jašče ŭ 2015 hodzie z-za taho, što srodkaŭ na finansavańnie dadzienaha kirunku ŭ polskaha pryhraničnaha rehijona nie było. Prablemu doŭha vyrašali na respublikanskim uzroŭni, bo ciahnik, jaki źviazvaŭ by dźvie krainy, byŭ vielmi važny dla žycharoŭ pamiežnych terytoryj.
U rešcie rešt było vyrašana, što novy ciahnik pa starym maršrucie budzie chadzić nie tolki da Kuźnicy, jak raniej, ale i da Krakava. Finansavacca jon budzie za košt polskaha Ministerstva infrastruktury i budaŭnictva. Tam raspaviali padrabiaznaści:
«Tak, novy ciahnik kampanii Intercity SA pačnie chadzić pa maršrucie Hrodna — Krakaŭ i nazad ŭžo z 4 vieraśnia 2016 hoda. Da pieršaha punkta na terytoryi Polščy Kuźnicy možna budzie dabracca za 38 chvilin. U Biełastoku ciahnik budzie praz 2 hadziny 36 chvilin, u Varšavie — praz 6 hadzin, a ŭ Krakaŭ jon prybyvaje praz 8 hadzin 32 chviliny», — raspaviała pres-sakratar Ministerstva infrastruktury i budaŭnictva Elžbeta Kisil.
Taksama ŭ ministerstvie raspaviali i pra ceny na kvitki. Tak, da Krakava jon budzie kaštavać 21,40 jeŭra, a da Kuźnicy — 6,10.
Dzieci da čatyroch hadoŭ mohuć jechać biaspłatna. Dla dziaciej da 12 hadoŭ dziejničaje lhotny prajezd. Taksama jość śpiecyjalnaja prapanova dla ŭładalnikaŭ Karty palaka — košt prajezdu z Hrodna da Kuźnicy dla hetaj katehoryi hramadzian budzie składać 4 jeŭra.
Ciapier čytajuć
Čamu ŭ biełaruskaj turmie tak mocna chudziejuć? Tłumačym11
Kamientary