Chvala kradziažoŭ aŭtamabilnych numaroŭ u Hrodnie ŭžo daŭno syšła. U horadzie ŭžo daŭno nie źjaŭlalisia zajezdžyja hastralory, jakija pa načach palavali na nieprymacavanyja numarnyja znaki. Viadoma, što ŭsie jany potym asiadali ŭ paŭdniovych rehijonach Rasii, tym samym dajučy mahčymaść ašukancam paźbiahać štrafaŭ za parušeńnie PDR i pradavać aŭto ź vidaźmienienymi vin-numarami.
Tak, na Avita ŭ prodažy sustrełasia BMW 5-series z haradzienskimi numarami. I stała zrazumieła, čamu numary pierastali kraści: ich pačali pa-majstersku padrablać, piša Autogrodno.by.
— Pad dadzienym rehistracyjnym znakam ŭ Hrodnie jeździć zusim inšy aŭtamabil, zusim inšaha kłasa, — raspaviali ŭ DAI vobłaści. — Tut ža vidać, što i šryft, i taŭščynia ličbaŭ zusim adroznyja ad našych DASTaŭ. Numarnyja znaki padroblenyja.
Viadoma, što navat hrodziency, jakija žyvuć u Maskvie, robiać kopii svaich numaroŭ, kab nie bajacca, što ich skraduć. Vyrab numaroŭ abychodzicca ŭ 50 u.a. Viadoma, pracedura nie aficyjnaja i možna rabić jak kopiju svajho numara, tak i luboha inšaha.
— U Rasiei mianie ŭžo nie raz spyniali supracoŭniki DAI z kapijavanymi numarami i nie zaŭvažali nijakaj roźnicy. Adzinaje, čym jany adroźnivajucca, dyk heta tym, što ŭ aryhinała čaściej paŭtarajucca «vadzianyja» znaki BY, — zaŭvažyŭ čytač, jaki žyvie ŭ Maskvie.
Ciapier čytajuć
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami2020
Kamientary