Rachunki-paviedamleńni na apłatu žyllova-kamunalnych pasłuh z naličanymi bieznajaŭnymi žyllovymi subsidyjami za kastryčnik nasielnictva Biełarusi atrymaje ŭ listapadzie. Pra heta paviedamiła načalnik upraŭleńnia ekanomiki Ministerstva žyllova-kamunalnaj haspadarki Alena Dudzinskaja siońnia na pres-kanfierencyi, pryśviečanaj uviadzieńniu ŭ Biełarusi bieznajaŭnych žyllovych subsidyj dla sacyjalna słabaabaronienych katehoryj hramadzian, u pres-centry BIEŁTA.
U žyroŭkach budzie paznačanaja suma pradastaŭlenaj subsidyi. Da 1 kastryčnika formy paviedamleńniaŭ buduć dapoŭnieny radkom ź infarmacyjaj ab subsidyi, jakaja pradastaŭlajecca pa vyjaŭnym pryncypie.
Akramia taho, ludzi atrymajuć paviedamleńnie ab tym, što im pradastaŭlena subsidyja i navat buduć apisany pravy admovy ad takoj subsidyi. U paviedamleńni budzie paznačana data rašeńnia, jaho numar i suma subsidyi.
Subsidavacca buduć asnoŭnyja žyllova-kamunalnyja pasłuhi. Praduhledžvajecca funkcyjanavańnie jak zajaŭnaha, tak i vyjaŭnaha (dla sacyjalna nieabaronienych katehoryj nasielnictva — niepracujučych piensijanieraŭ i invalidaŭ) pryncypaŭ dla atrymańnia subsidyj.
Pavodle acenki, skarystacca subsidyjami zmohuć kala 10 pracentaŭ damašnich haspadarak respubliki.
Z 1 kastryčnika ŭ Biełarusi ŭvodziacca bieznajaŭnyja žyllovyja subsidyi dla častkovaha pakryćcia płaty za žyllova-kamunalnyja pasłuhi i płaty za karystańnie žyłymi pamiaškańniami. Adpaviedny ŭkaz numar 322 «Ab pradastaŭleńni bieznajaŭnych žyllovych subsidyj» padpisany 29 žniŭnia.
Ciapier čytajuć
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni14
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary