Kiraŭski rajonny sud Jekaciarynburha pryniaŭ rašeńnie źmiaścić pad vartu na dva miesiacy videabłohiera Rusłana Sakałoŭskaha, jaki łaviŭ pakiemonaŭ u Chramie-na-Kryvi. Pra heta paviedamlaje Znak.com.
Błohiera zatrymali 2 vieraśnia pa padazreńni ŭ ździajśnieńni złačynstvaŭ pa artykułach 148 i 282 KK RF (Abraza pačućciaŭ viernikaŭ i raspalvańnie varožaści). Zatrymańnie prajšło paśla pieratrusu ŭ jaho doma i dopytu ŭ śledčym kamitecie.
Pryčynaj staŭ rolik, jaki małady čałaviek apublikavaŭ jašče ŭ pačatku žniŭnia. Na videa jon zachavaŭ praces hulni ŭ Pokemon Go u kultavym budynku. Chłopiec zajaviŭ, što robić heta na znak pratestu suprać zakanadaŭstva, što zabaraniaje heta rabić.
«Dla mianie heta poŭnaja łuchta. Kaho moža abrazić, što ty pachadziŭ sa smartfonam pa carkvie?» — zadavaŭsia pytańniem Sakałoŭski.
Paśla publikacyi videa na incydent źviarnuła ŭvahu MUS.
«Kali b niechta spytaŭ asabista mianie — nie jak palicejskaha i pres-sakratara HU MUS Rasii pa Śviardłoŭskaj vobłaści, a jak hramadzianina, ja b adkazaŭ, što treba adpraŭlać na turemnyja nary takich pakiemanistaŭ nie na try hady, jak heta pakazana ŭ zakanadaŭstvie, a minimum na piać, a to i bolš, kab inšym niepanadna było bluźnieryć u śviatych miescach», — raspaviadaŭ Znak.com Valery Harełych.
Mer Jekaciarynburha: «Heta dzikunstva»
Mer Jekaciarynburha Jaŭhien Rojzman paprasiŭ patryjarcha Kiryła zastupicca za błohiera. Pra heta kiraŭnik horada napisaŭ u svaim Facebook.
Pavodle jaho słoŭ, Sakałoŭski byŭ zatrymany «pa danosie (navodcy) adnaho podłaha ŚMI ŭ Jekaciarynburhu».
«Jamu [błohieru] 22 hady, žyvie ŭdvaich z maci-invalidam. Heta dzikunstva. Chłopiec, viadoma, pravakavaŭ, ale nielha aryštoŭvać čałavieka za idyjatyzm, niavychavanaść i žadańnie adtapyrycca! Hańba!» — napisaŭ Rojzman.
«Dumaju, što było b spraviadliva i pravilna, kali b śviatary i asabliva ŭładyka Kirył za nierazumnaha błohiera zastupilisia b i paručylisia. Heta było b prosta mudra i pryhoža», — dadaŭ mer Jekaciarynburha.
Advakat Sakałoŭskaha płanuje abskardzić rašeńnie suda.
Hałoŭny ideołah Biełarusi znajšoŭ u krainie «psieŭdapatryjatyčnyja jačejki» i zaklikaŭ da zmahańnia ź imi «adzinym bajavym kułakom»23
Kamientary