Naziralniki ŭ Minsku zajaŭlajuć, što sfatahrafavali «karusielščykaŭ» FOTA
Adrazu na šerahu učastkaŭ Kalinoŭskaj 108 vybarčaj akruhi byli zafiksavanyja t.zv. «karusieli»: hrupy ludziej pierachodziać ad učastku da ŭčastku i niezakonna na ich hałasujuć.
Naziralniki ad Ruchu «Za Svabodu» ŭ miežach kampanii «Prava vybaru» sfatahrafavali na niekalkich učastkaŭ adnych i tych ža ludziej, jakija tam hałasavali.
«Tak zvanaja «karusiel» — heta pravieranyja mietady falsifikacyjaŭ, — prakamientavaŭ padziei kandydat u deputaty Pałaty pradstaŭnikoŭ ad Ruchu «Za Svabodu» pa 108 Kalinoŭskaj akruzie Juraś Hubarevič. — Na niekalkich učastkach vykarystoŭvajuć adnych i tych ža ludziej dla padstaŭnoha hałasavańnia. Heta hrubiejšaje parušeńnie».
Pa jahonych słovach, biuleteni ad «karusielščykaŭ» iduć na karyść praŭładnamu kandydatu i nakručvajuć jaŭku dla kamisii.
Siońnia naziralniki taksama zafiksavali karusielščykaŭ na jašče adnym učastku №635.
Raniej naziralniki «Prava vybaru» adznačali, što kolkaść vybarščykaŭ pa ich padlikach na niekatorych učastkach nie supadaje z vynikovym štodzionnym pratakołam (pa dadzienych kamisii, hałasuje bolš vybarščykaŭ). Heta značyć, što kamisii rychtujucca da mahčymych ukidaŭ biuleteniaŭ, jakija zojmuć miesca «virtualnych» vybarščykaŭ, jakich fihurujuć u pratakole, ale nie byli na ŭčastku.
Filipienka raskazaŭ, ad kolkich svaich knih admoviŭsia b i čamu pradaŭ «Tesłu»2
Kamientary