Spravazdača: Na asobnych učastkach ličba, chto hałasavaŭ pa aficyjnych źviestkach, i pavodle naziralnikaŭ roźnicca ŭ piać razoŭ
Nazirańnie ažyćciaŭlajuć RPHA «Biełaruski Chielsinkski kamitet» i PC «Viasna» ŭ ramkach kampanii «Pravaabaroncy za svabodnyja vybary».
U adpaviednaści z Vybarčym kodeksam Respubliki Biełaruś, 6 vieraśnia 2016 h. pačałosia daterminovaje hałasavańnie na vybarach deputataŭ Pałaty pradstaŭnikoŭ Nacyjanalnaha schodu Respubliki Biełaruś šostaha sklikańnia.
364 karotkaterminovyja naziralniki kampanii «Pravaabaroncy za svabodnyja vybary» viaduć štodzionnaje nazirańnie za praviadzieńniem daterminovaha hałasavańnia na 182 vybarčych učastkach pa ŭsioj terytoryi krainy.
Vyniki nazirańnia štodzionna apracoŭvajucca i źjaŭlajucca reprezientatyŭnymi (nazirańnie pravodzicca na 3,04 % ad 5 971 vybarčaha učastka) i dazvalajuć acanić asnoŭnyja tendencyi praviadzieńnia daterminovaha hałasavańnia. Raźmieščanaja nižej infarmacyja była apracavanaja sa 182 vybarčych učastkaŭ pa stanie na 23.00 9 vieraśnia.
Absalutna rekordnaja roźnica pamiž dadzienymi UVK i naziralnikaŭ zafiksavanaja 9 vieraśnia va UVK №9 na akruhie №32 ŭ h.Homieli, dzie pa dadzienych UVK daterminova prahałasavali 584 čałavieki, a pa dadzienych naziralnikaŭ — 106. Tam ža, ŭ Homieli, va UVK №1 AVK № 35 pa dadzienych UVK prahałasavali 125 čałaviek, pa dadzienych naziralnikaŭ — 56.
Vysokaja roźnica pamiž dadzienymi ab jaŭcy zafiksavanaja ŭ Minsku: va UVK №91 AVK №93 h.Minska (115 čałaviek pa dadzienych UVK i 25 - pa dadzienych naziralnikaŭ), va UVK №420 AVK №103 h.Minska (128 i 33 adpaviedna); ŭ Maładečna va UVK №10 AVK №72 (183 i 114 adpaviedna).
Va UVK №22 AVK №84 h.Mahileva zafiksavana jaŭka — 236 pa dadzienych UVK i 77 čałaviek pa dadzienych naziralnikaŭ; va UVK №11 AVK №84 h.Mahileva - 174 i 94 adpaviedna.
U Bresckaj vobłaści va UVK №29 AVK №2 h.Bresta pa dadzienych UVK jaŭka na hałasavańnie - 249 čałaviek, a pa dadzienych naziralnikaŭ — 68. Va UVK №21 AVK № 5 h.Baranavičy taksama zafiksavana vialikaja roźnica ŭ dadzienych (224 i 154 adpaviedna), va UVK №10 toj ža akruhi - 131 i 46 adpaviedna. Va UVK №8 AVK №6 h.Baranavičy roźnica pamiž dadzienymi - 219 i 72, UVK №28 toj ža akruhi - 141 i 41 adpaviedna.
Va UVK №17 AVK №42 h.Mazyra taksama jość vialikaja roźnica pamiž dadzienymi (255 i 155 čałaviek adpaviedna).
Roźnica pamiž dadzienymi UVK i naziralnikaŭ ab jaŭcy zafiksavana na 54,8% vybarčych učastkach, na jakich ažyciaŭlałasia nazirańnie.
Naziralniki praciahvajuć paviedamlać ab masavym prymusie hramadzian da daterminovaha hałasavańnia, jak i padčas papiarednich vybarčych kampanij.
Kamientary