Dva najbujniejšyja suśvietnyja pornasajty — YouPorn.com i PornHub.com — zabłakavanyja na terytoryi Rasii pa patrabavańni Roskomnadzora.
Jak paviedamlaje TJournal.ru, partał PornHub byŭ zabłakavany na padstavie rašeńnia Buturlinaŭskaha rajonnaha suda Varoniežskaj vobłaści.
Pa słovach prakurora, jaki padaŭ pazoŭ ab błakavańni, u rasijskim zakanadaŭstvie «praduhledžanaja zabarona na raspaŭsiud infarmacyi ab abarocie parnahrafičnych materyjałaŭ abo pradmietaŭ na pakazanym sajcie».
Sajt YouPorn zabłakavany pa rašeńni Piervarečanskaha rajonnaha suda Uładzivastoka z-za «raźmiaščeńnia infarmacyi parnahrafičnaha charaktaru».
Ab zakryćci dostupu da abodvuch sajtaŭ u Rasii ŭ sieradu paviedamili mnohija karystalniki sacsietak.
U vieraśni minułaha hoda Kryłoŭski rajonny sud Krasnadarskaha kraju zapatrabavaŭ zabłakavać PornHub i jašče niekalki sajtaŭ na terytoryi Rasii. Sud paličyŭ, što resursy traplajuć pad dziejańnie zakona ab abaronie dziaciej ad škodnaj infarmacyi.
U rašeńni suda była pakazanaja tolki ruskamoŭnaja viersija sajta, i paśla jaje błakavańnia Raskamnahladam mižnarodnaja viersija praciahvała zastavacca adkrytaj dla rasijskich karystalnikaŭ.
PornHub ličycca adnym z najpapularniejšych pornasajtaŭ śvietu. Bolšaja častka kantentu ŭ im raspaŭsiudžvajecca biaspłatna.
Kamientary