Zhodu, nasupierak pratestam supracoŭnikaŭ sadu, dało Ministerstva pryrody.
U minułuju piatnicu kiraŭnictva Centralnaha bataničnaha sadu NAN paviedamiła svaim supracoŭnikam pra rašeńnie budavać na terytoryi sadu pobač z aziornym kompleksam tenisnyja korty, paviedamlaje sajt greenbelarus.info.
Rašeńnie ab budaŭnictvie pryniataje kančatkova i adobranaje Ministerstvam pryrody. Pry hetym kiraŭnictva CBS patłumačyła, što zialonym pasadkam nia budzie naniesienaja škoda. Bolšaść supracoŭnikaŭ vykazała niazhodu z takim rašeńniem bo miarkujuć, što z‑za heta sad zhubić svajo asnoŭnaje pryznačeńnie.
Nahadajem, što 13 krasavika 2008 hodu vyjšła pastanova Biuro prezydyjuma NAN Biełarusi №127 z nastupnym tekstam: «Uklučyć u prajektna‑kaštarysnuju dakumentacyju dobraŭparadkavańnia aziornaha kompleksu bataničnaha sadu pabudovu tenisnych kortaŭ».
Spačatku Mienski haradzki kamitet pryrodnych resursaŭ i achovy navakolnaha asiarodździa admoviŭ Biuro prezydyjuma NAN, matyvujučy heta tym, što «zhodna hieneralnamu planu, zaćvierdžanamu prezydentam, bataničny sad adnosicca da terytoryjaŭ, što asabliva achoŭvajucca, i dzie zabaronienaje raźmiaščeńnie spartyŭnych zbudavańniaŭ».
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ8
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary