Naviedvalniki vystavy abhryźli ziefirny tort-ekspanat. Biełdziaržcharčpram paprasiŭ tak nie rabić
U TikTok stała papularnym videa, źniataje na vystavie «Maja Biełaruś».
Na kadrach vidać, jak niekatoryja naviedvalniki adłomvajuć kavałački ad vystavačnaha torta i nabivajuć kišeni cukierkami z ekspazicyjnych košykaŭ, piša Onliner.by.
Aŭtar rolika adznačaje, što na vystavie praduhledžanyja śpiecyjalnyja zony dla biaspłatnaj dehustacyi. Tym nie mienš častka haściej, pa jaho słovach, addała pieravahu kaštavać pradukcyju z demanstracyjnych uzoraŭ.
Situacyju prakamientavali ŭ Biełdziaržcharčpramie. Tam patłumačyli, što na videa možna ŭbačyć niedehustacyjnyja ŭzory pradpryjemstvaŭ «Čyrvony Charčavik» i «Kamunarka», pryznačanyja vyklučna dla pakazu. Paškodžany tort apieratyŭna prybrali z ekspazicyi.
— Na jaho miescy buduć raźmieščanyja kvietkavyja košyki ź ziefirnymi kvietkami ŭ ploncy. Pradukcyja vyrablena i zaraz adpraŭlajecca z Babrujska ŭ Minsk, — dadali na pradpryjemstvie.
Arhanizatary vystavy źviarnulisia da naviedvalnikaŭ z prośbaj trymacca vyznačanych praviłaŭ. Jany nahadali, što dehustavać prysmaki možna tolki na śpiecyjalna paznačanych stojkach. Taksama haściej zaklikali akuratna abychodzicca z ekspanatami i abstalavańniem i prajaŭlać pavahu da ŭdzielnikaŭ vystavy i inšych naviedvalnikaŭ.
Ciapier čytajuć
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»7
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»
Aktor Toŭścikaŭ: Na pakazie, kali pryjšli zbolšaha rasijskija hledačy — publika śmiajałasia. A kali byli biełarusy, Cichanoŭskaja — stajała poŭnaja cišynia11
Kamientary
Nahłosť - vtoroje sčasťje.
Kohda ludi prichodili s bidonami za biespłatnoj koka-kołoj
[Zredahavana]