Sieviaryniec: Aŭtuchoviča ŭ turmie pryznajuć lehiendaj navat tyja, chto supracoŭničaje z administracyjaj. Jon kremień
Palityk i były palitviazień Pavieł Sieviaryniec raskazaŭ «Svabodzie», što jon viedaje pra stan Mikałaja Aŭtuchoviča za kratami. Palitźniavolenamu siońnia spoŭniłasia 63 hady.
U haradzienskuju turmu Pavieł Sieviaryniec trapiŭ letam 2023 hodu, jaho pieraviali tudy z Škłoŭskaj kałonii. Za kratami ŭ Horadni Sieviaryniec zastavaŭsia da samaha vyzvaleńnia 13 śniežnia 2025 hodu.
Jakraz u hetaj turmie trymajuć Mikałaja Aŭtochoviča. I jon tam staŭ lehiendaj.
«Jon trymajecca vielmi dobra. Dla Aŭtuchoviča ŭ turmie specyjalnyja ŭmovy, jon u asobnaj kamery, u adzinočcy. Nakolki ja mahu mierkavać, jon, dziakuj Bohu, žyvy i ŭ badziorym stanie. Što ź jahonym zdaroŭjem, dakładna nia viedaju. Mikołu Aŭtuchoviča pryznajuć lehiendaj i inšyja viaźni, navat tyja, chto supracoŭničaje z administracyjaj.
Z tych, chto ciapier na voli, my pierasiakalisia z Paŭłam Vinahradavym i Mikołam Dziadkom. Chłopcy klasna siabie pavodzili, prosta ŭzorna. Pra inšych nia budu havaryć, im moža stać horš. Pra Mikołu Aŭtuchoviča ja nia dumaju, što jamu ŭžo moža być horš. Jon trymajecca tam jak kremień», — raskazaŭ Sieviaryniec.
Palitźniavolenaha pradprymalnika i palityka Mikołu Aŭtuchoviča ŭ 2022 hodzie paśla praciahłaha sudovaha pracesu asudzili na 25 hadoŭ pazbaŭleńnia voli. Jaho abvinavacili adrazu pavodle 12 artykułaŭ Kryminalnaha kodeksa, u tym liku ŭ «zdradzie dziaržavie» i «zamachu na zachop ułady». Mikołu Aŭtuchoviča trymajuć u adzinočnaj kamiery Hrodzienskaj krytaj turmy, pra jaho stan amal ničoha nie viadoma.
Pavodle prysudu, Aŭtochoviča kinuli ŭ turmu na piać hadoŭ. Hety termin musiŭ skončycca ŭ śniežni 2025 hoda, paśla čaho palitźniavolenaha pavinny pieravieści ŭ kałoniju.
Siońnia, 7 studzienia, Aŭtochovič sustrakaje za kratami dzień narodzinaŭ: jamu spoŭniłasia 63 hady.
Čytajcie taksama: «My vyjdziem ščylnymi radami». Padrabiaznaści taho, što adbyvajecca na pracesie Aŭtuchoviča, uražvajuć i vymušajuć zadumacca
«Terarystka» Dzierbyš, jakaja atrymała 20 hadoŭ: Śledčy prapanoŭvaŭ abyłhać Aŭtuchoviča ŭ abmien na lahčejšaje pakarańnie
U carkvie-šedeŭry, što zhareła pad Žabinkaj, da 2020 hoda słužyŭ śviatar-palitviazień Razanovič
«Chtości ŭ kiraŭnictvie siłavikoŭ vyrašyŭ vyvieści Bialucina sa «spravy Aŭtuchoviča» i vykarystać inačaj»
Žonka Hałyhina adśviatkavała pad Minskam dzień naradžeńnia ŭ ruskim styli — u kakošniku i z tortam-matroškaj ŠMAT FOTA21
Žonka Hałyhina adśviatkavała pad Minskam dzień naradžeńnia ŭ ruskim styli — u kakošniku i z tortam-matroškaj ŠMAT FOTA
Ciahnik Pinsk—Minsk spyniŭsia pad Dziaržynskam biez aciapleńnia. Paśla prybyćcia ŭ stalicu pasažyraŭ razabrali ludzi z sacsietak i raźvieźli pa chatach1515
Kamientary