Łukašenka — BPC: Vy jak mahutnaja kanfiesija pavinny inšych pavažać i padtrymlivać

Alaksandr Łukašenka raźličvaje na bolš hłybokuju ŭciahnutaść carkvy ŭ sacyjalnyja pracesy. Ab hetym kiraŭnik dziaržavy zajaviŭ siońnia ŭ čas sustrečy ź Sinodam Biełaruskaj pravasłaŭnaj carkvy.

«My raźličvajem na bolš hłybokuju ŭciahnutaść carkvy ŭ sacyjalny praces. Vielmi važna, kab pravasłaŭnaja carkva praciahnuła sadziejničać umacavańniu mižkanfiesijnaj zhody ŭ Biełarusi, demanstrujučy ŭzor cyvilizavanych adnosin», — padkreśliŭ Alaksandr Łukašenka.

Kiraŭnik krainy adznačyŭ, što BPC zajmaje viadučaje miesca ŭ žyćci krainy, adnak jość i inšyja kanfiesii.

«My zaŭsiody mirna isnavali dziakujučy razumnaj, uzvažanaj palitycy dziaržavy i pravasłaŭnaj carkvy ŭ dačynieńni da katalikoŭ i inšych viernikaŭ. Maja pazicyja adnaznačnaja: nam dzialić u hetym śviecie niama čaho. Vy jak mahutnaja, bujnaja kanfiesija pavinny inšych pavažać i padtrymlivać», — upeŭnieny kiraŭnik dziaržavy.

Značnym napramkam dziejnaści carkvy, adznačyŭ Alaksandr Łukašenka, źjaŭlajecca vychavańnie padrastajučaha pakaleńnia i pryciahnieńnie jaho da ŭdziełu ŭ roznych sacyjalnych prajektach. «U krainie stvorany vydatnyja ŭmovy dla vučoby i pracy, viadziecca praca pa padtrymcy talenavitaj moładzi. Adnak pierad hramadstvam rehularna ŭźnikajuć novyja zadačy, u vyrašeńni jakich nieabchodny bolš aktyŭny ŭdzieł carkvy, — padkreśliŭ biełaruski lidar. — Ja nie skažu, što dziaržava i śviatary mała robiać, ale treba znajści toj dalikatny padychod, jaki ŭłaścivy carkvie ŭ hetym pracesie. Jana pavinna raźmiaščać inicyjatyvami, adukavanymi i vysokamaralnymi kadrami. Tamu dziaržava akazvaje i budzie akazvać usiamiernuju padtrymku duchoŭnym škołam BPC u padrychtoŭcy śviataroŭ. Tak, jak i inšym cerkvam.

Kiraŭnik dziaržavy ličyć, što inšyja kanfiesii pavinny ŭziać prykład z BPC i rychtavać śviataroŭ z hramadzian Biełarusi.

«Tut pavinny słužyć biełarusy, niachaj zamiežniki i biaźmiežna addanyja našamu narodu i dziaržavie. Ź pieršych dzion svajho prezidenctva ja pravodžu hetuju liniju, pierš za ŭsio ŭ dačynieńni da katalikoŭ.

I zruchi ašałamlalnyja: vielmi šmat pryjšło śviataroŭ-biełarusaŭ u katalickuju carkvu», - zaŭvažyŭ Alaksandr Łukašenka.

Jon źviarnuŭ uvahu, što čaściakom mienavita carkva dapamahaje ludziam farmavać adkaznaje staŭleńnie da žyćcia i zdaroŭju. «Na čałavieka, jaki samastojna nie spraŭlajecca sa svaimi słabaściami i zaležnaściami, hołas śviatara časam akazvaje bolšy ŭpłyŭ, čym razmovy z rodnymi abo namahańni miedykaŭ», — skazaŭ kiraŭnik dziaržavy

• 0
• 0
• 0
• 0
• 0
• 0
• 0
• 0