Prezident Rasii Uładzimir Pucin rasparadziŭsia ŭvieści ŭ krainie kurortny zbor. Dachody ad vypłat adpačyvalnikaŭ na rasijskich kurortach pojduć na raźvićcio turystyčnaha kompleksu.
«Unieści ŭ zakanadaŭstva RF źmieny, jakija praduhledžvajuć uviadzieńnie kurortnaha zboru, dachody ad jakoha mohuć być nakiravanyja na raźvićcio sanatorna-kurortnaha kompleksu Rasijskaj Fiederacyi», — daručyŭ Pucin na pasiadžeńni prezidyuma Dziaržsavieta, pryśviečanym rasijskim kurortach. Tekst daručeńnia apublikavany na sajcie Kramla.
Adkaznym za vykanańnie pryznačany premjer-ministr Dźmitryj Miadźviedzieŭ. Termin vykanańnia — sakavik 2017 hoda.
Kurortny zbor płanujecca spahaniać z rasiejcaŭ, jakija adpačyvajuć u kurortnych zonach. Jaho pamier pakul nieviadomy, jak i toje, ci budzie vypłata adnarazovaj.
Raniej ułady anieksavanaha Rasijaj Kryma prapanavali pryznačyć zbor na ŭzroŭni 300 rubloŭ (kala 5 dalaraŭ) i vypłačvać adnačasova.
«Krym rychtuje svaje prapanovy dla kurortnaha zboru. Ja liču, što hety padatak pavinien być adnačasovym, i jaho suma nie pavinna pieravyšać 300 rubloŭ», — zajaviŭ u čaćvier krymski ministr turyzmu Siarhiej Stralbicki.
Zakon ab kurortnym zbory dziejničaŭ u Rasii z 1991-ha pa 2004 hod. Hraničny pamier staŭki kurortnaha zboru byŭ ustanoŭleny na ŭzroŭni 5% ad minimalnaj miesiačnaj zarpłaty.
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»12
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju44
Kamientary