U Barysaŭskim rajonie byli znojdzienyja čaćviora mužčyn. Troje ź ich byli miortvyja, jašče adzin byŭ dastaŭleny ŭ reanimacyju. Jany byli znojdzienyja jašče 18 vieraśnia, ale pra heta stała viadoma tolki 26 vieraśnia ź pieradačy «Pryčyny i śledstva z Partanam i Hančarovaj» na «Alfa-Radyjo».
«18 vieraśnia ŭ lasnym masivie ŭ Barysaŭskim rajonie byli znojdzienyja čaćviora mužčyn. Troje ź ich byli miortvyja, čaćviorty — dastaŭleny ŭ reanimacyju, dzie i znachodzicca dahetul», — raspaviała aficyjny pradstaŭnik Śledčaha kamiteta Julija Hančarova.
Pavodle papiarednich dadzienych, mužčyny adpravilisia ŭ les i tam užyvali zabaronienyja rečyvy.
Chłopcu, jaki vyžyŭ — 26 hadoŭ. Traim zahinułym — 36, 35 i 32 hady.
Viadoma, što dvoje ź ich raniej mieli sudzimaść.
«Praviedzieny ahlad miesca zdareńnia, znojdzienyja pradmiety, jakija śviedčać ab užyvańni narkatyčnych srodkaŭ i psichatropnych rečyvaŭ», — paźniej raspaviała Julija Hančarova.
Pryznačany šerah ekśpiertyz. Kanfiskavanyja rečavyja dokazy — u tym liku šprycy, šklanyja fłakony.
Barysaŭskim RASK raspačataja kryminalnaja sprava pa č.5 art. 328 Kryminalnaha kodeksa Biełarusi (Niezakonny zbyt narkatyčnych i psichatropnych rečyvaŭ, jaki paciahnuŭ pa nieaściarožnaści śmierć hramadzian u vyniku spažyvańnia). Sankcyja artykuła — pazbaŭleńnie voli terminam ad 12 da 25 hadoŭ.