Rasija skončyła vyprabavańni biełaruskich prycełaŭ dla supraćtankavych kompleksaŭ «Chryzantema-S»
«U vieraśni 2016 hoda skončylisia dziaržaŭnyja vyprabavańni madernizavanaj bajavoj mašyny 9P157 PTRK «Chryzantema-S». Bajavaja mašyna ŭklučanaja ŭ płan dziaržabaronzamovy na bližejšyja piać hod i ŭ hetym hodzie budzie pastaŭlenaja ŭ vojski», — havorycca ŭ paviedamleńni rasijskaha Kanstruktarskaha biuro mašynabudavańnia (KBM).
Supraćtankavy rakietny kompleks na bazie BMP-3 vypuskajecca z 2005 hoda i moža vieści ahoń jak tandemna-kumulatyŭnymi rakietami, tak i termabaryčnymi. Kompleks maje vykarystoŭvacca pieravažna pry taktyčnaj abaronie — bo nie maje supraćsnaradnaha braniravańnia i moža puskać rakiety tolki ź miesca.
Ciapier u «Chryzantemach» buduć stajać biełaruskija pryceły 1K118P raspracoŭki minskaha zavoda «Pielenh». Raniej pryceły dla «Chryzantem-S» rabiŭ ukrainski zavod «Fotaprybor», jaki ŭvachodzić u dziaržaŭny kancern «Ukrabaronpram». Adnak u suviazi z ahresijaj RF suprać Ukrainy suviazi z rasijskimi klijentami byli razarvanyja.
«Novy pryceł … pakazaŭ vysokuju nadziejnaść i dakładnaść naviadzieńnia, u paraŭnańni z prycełam raniejšaj vytvorčaści», — havorycca ŭ paviedamleńni KBM.
Maksimalnaja dalnaść stralby mahutnymi 155-mm rakietami (vaha ŭ transpartnym kantejniery — da 62 kh) «Chryzantemy-S» — jak minimum 5 km.
Kamientary