Zajava deputata bundestaha ad Sacyjał-demakratyčnaj partyi Hiermanii Ute Fink-Kremier, jakaja naviedała Minsk, ab źniaćci tabu na aficyjnyja kantakty niamieckaha i biełaruskaha parłamientaŭ źjaŭlajecca jaje asabistym mierkavańniem, paviedamili ŭ pres-słužbie frakcyi SDPH.
Z 4 pa 6 kastryčnika ŭ Minsku znachodzilisia pradstaŭniki hiermana-biełaruskaj parłamienckaj hrupy družby — jaje kiraŭnik Olivier Kačmarak i deputat Ute Finkie-Kremier (abodva — SDPH). Jany sustrelisia ź ministram zamiežnych spraŭ Uładzimiram Makiejem, namieśnikam ministra ekanomiki Dźmitryjem Krutym, staršynioj Savieta Respubliki Michaiłam Miaśnikovičam, pradstaŭnikami abiedźviuch pałat Nacyjanalnaha schodu. Akramia taho, delehacyja praviała sustreču z pradstaŭnikami hramadzianskaj supolnaści, naviedała biełaruska-hiermanski dziciačy azdaraŭlenčy centr «Nadzieja» i Park vysokich technałohij.
«Sustreča adkryje novy etap mižparłamienckaha supracoŭnictva pamiž našymi krainami, i my raźličvajem na pazityŭnaje raźvićcio partniorstva pa klučavych pytańniach», — zajaviŭ Michaił Miaśnikovič, jakoha cytavała pres-słužba SR NS. Jon taksama paviedamiŭ, što hrupa družby z bundestaham ŭ Nacyjanalnym schodzie budzie sfarmiravana ŭ pieršyja dni pasiadžeńnia siesii parłamienta novaha sklikańnia i «baki zmohuć u poŭnaj miery vykarystać jaje patencyjał dla arhanizacyi poŭnamaštabnaha dyjałohu».
Kožny dzień Finkie-Kremier dzialiłasia ŭ fejsbuku svaimi ŭražańniami ab znachodžańni ŭ biełaruskaj stalicy. U pryvatnaści, jana adznačyła, što horad źmianiŭsia ŭ paraŭnańni z 1983 hodam, kali jana jaho naviedvała. Makiej, pavodle jaje nazirańniaŭ, razmaŭlaje pa-niamiecku tak, što nie patrebny pierakładčyk, a vizit u «Nadzieju» kantrastavaŭ z sustrečaj u Minekanomiki na temu budaŭnictva AES.
U intervju partału tut.by Finkie-Kremier zajaviła, što nielha stavicca da biełaruskaha parłamienta krytyčniej, čym da rasijskaha, kitajskaha abo azierbajdžanskaha. Z usimi z hetych orhanaŭ u bundestaha aficyjnyja kantakty jość. «Možna skazać, što tabu na takija kantakty źniataje i ŭ dačynieńni da parłamienta Biełarusi», — skazała jana.
Ciapier čytajuć
Cichanoŭski: Ja ž nie viedaŭ, što ludzi bajacca pakazvać tvary i bajacca za svaich svajakoŭ! Ja nabivaju huzy sam31
Kamientary