«My ŭ Biełarusi zzadu, nie varta zabyvać»: NTV pažartavała z Łukašenki — u Biełarusi hety momant vyrazali z efiru
Na rasijskim kanale NTV vychodzić prahrama «Mižnarodnaja piłarama», dzie viadučyja starajucca žartavać pra palityčnyja padziei i asoby.
U vypusku za 2 kastryčnika ŭ «Piłaramie» nadali ŭvahu i Biełarusi, žarty ŭkłalisia ŭ 2 chviliny ad 40-chvilinnaha vypusku, ale biełaruskaja aŭdytoryja ich nie ŭbačyła praz cenzuru.
Viadučy Tyhran Kieasajan nazvaŭ Łukašenku adzinym čałaviekam u śviecie, zdolnym siłaj słova sapsavać małako.
«Tolki jon što zajavić, adrazu biełaruskaje małako ŭ Rasii pryznajuć sapsavanym i zabaroniać… Na hetym tydni jon zrabiŭ heta znoŭ», — skazaŭ u efiry Tyhran i praciahnuŭ, što Biełaruś vielmi niaŭdała raźmieščanaja hieahrafična.
«Tolki paviarnuŭšysia tvaram da Rasii, da Jeŭropy akazvaješsia zadam, tolki pavaročvaješ tvaram da Jeŭropy, pierad Rasijaj robicca niazručna. Davodzicca viarciecca tudy-siudy, tudy-siudy. Ale ž vymušany nahadać, što, atrymlivajecca, my ŭ Biełarusi ŭsio ž taki zzadu, nie varta pra heta zabyvać», — dadaŭ jon.
«Tolki dziakujučy biełaruskaj mytni my z vami dahetul jamo zabaronienyja sankcyjnyja pradukty», — raźvivali dumku rasijskija humarysty i pryhadali historyju, što sioleta abjom pastavak jabłyk u Rasiju ŭ piać razoŭ pieravysiŭ ułasny ŭradžaj.
«Vy mnie darujcie, suajčyńniki, ale ci nie da chrana my z vami žarem jabłykaŭ? Ź inšaha boku, kudy Biełarusi dziavacca, aproč jak zavaliŭšy nas jabłykami? U ich ža tolki dźvie paśpiachovyja biźnies-madeli: bulba i pasada prezidenta. Zrešty, niadaŭna źjaviłasia i treciaja — brytanskija navukoŭcy paviedamlajuć, što samy prybytkovy biźnies sioleta — heta vyrab nalepak «Zroblena ŭ Biełarusi», — na hetym častka, pryśviečanaja Biełarusi, skončyłasia.
Aproč taho ŭ prahramu zaprasili A. Prachanava — «śpievaka kamunizmu», jak jon sam siabie nazyvaje, i nakłali ŭłasnuju ahučku na debaty pamiž Klintan i Trampam.
(Pačatak z 12:47)
-
Cichanoŭski raskazaŭ, jak za dapamohu jamu asudzili inšaha viaźnia, što siadzieŭ nie za palityku
-
«Stajać na svaim, kožny nakolki moža!». Vialikaja hutarka z Natallaj Dulinaj pra hopnikaŭ z HUBAZiKa, Kaleśnikavu i što tam u kaho ŭ kałonii
-
«Kaleśnikavu pierad sustrečaj z baćkam sprabavali pryvieści ŭ paradak — jana była na ŭzmocnienym charčavańni»
«Stajać na svaim, kožny nakolki moža!». Vialikaja hutarka z Natallaj Dulinaj pra hopnikaŭ z HUBAZiKa, Kaleśnikavu i što tam u kaho ŭ kałonii4
Kamientary