«Мы ў Беларусі ззаду, не варта забываць»: НТВ пажартавала з Лукашэнкі — у Беларусі гэты момант выразалі з эфіру
На расійскім канале НТВ выходзіць праграма «Міжнародная піларама», дзе вядучыя стараюцца жартаваць пра палітычныя падзеі і асобы.
У выпуску за 2 кастрычніка ў «Пілараме» надалі ўвагу і Беларусі, жарты ўклаліся ў 2 хвіліны ад 40-хвіліннага выпуску, але беларуская аўдыторыя іх не ўбачыла праз цэнзуру.
Вядучы Тыгран Кеасаян назваў Лукашэнку адзіным чалавекам у свеце, здольным сілай слова сапсаваць малако.
«Толькі ён што заявіць, адразу беларускае малако ў Расіі прызнаюць сапсаваным і забароняць… На гэтым тыдні ён зрабіў гэта зноў», — сказаў у эфіры Тыгран і працягнуў, што Беларусь вельмі няўдала размешчаная геаграфічна.
«Толькі павярнуўшыся тварам да Расіі, да Еўропы аказваешся задам, толькі паварочваеш тварам да Еўропы, перад Расіяй робіцца нязручна. Даводзіцца вярцецца туды-сюды, туды-сюды. Але ж вымушаны нагадаць, што, атрымліваецца, мы ў Беларусі ўсё ж такі ззаду, не варта пра гэта забываць», — дадаў ён.
«Толькі дзякуючы беларускай мытні мы з вамі дагэтуль ямо забароненыя санкцыйныя прадукты», — развівалі думку расійскія гумарысты і прыгадалі гісторыю, што сёлета аб'ём паставак яблык у Расію ў пяць разоў перавысіў уласны ўраджай.
«Вы мне даруйце, суайчыннікі, але ці не да храна мы з вамі жарэм яблыкаў? З іншага боку, куды Беларусі дзявацца, апроч як заваліўшы нас яблыкамі? У іх жа толькі дзве паспяховыя бізнес-мадэлі: бульба і пасада прэзідэнта. Зрэшты, нядаўна з'явілася і трэцяя — брытанскія навукоўцы паведамляюць, што самы прыбытковы бізнес сёлета — гэта выраб налепак «Зроблена ў Беларусі», — на гэтым частка, прысвечаная Беларусі, скончылася.
Апроч таго ў праграму запрасілі А. Праханава — «спевака камунізму», як ён сам сябе называе, і наклалі ўласную агучку на дэбаты паміж Клінтан і Трампам.
(Пачатак з 12:47)
Цяпер чытаюць
У 2021 годзе выпускніца адмовілася паціснуць руку Гігіну на ўручэнні дыплома. Цяпер БДУ не хоча яго пацвярджаць29
Каментары