Vyznačyŭsia druhi paŭfinalist Čempijanatu Eŭropy pa futbole. Im absalutna sensacyjna stała tureckaja zbornaja. Siońnia — hrandyjozny matč Halandyi z Rasiejaj.
Kali ščyra, to mała chto navat spadziavaŭsia, što zbornaja Turcyja zmoža vyjści z svajoj hrupy. Ale ŭ zvyšdramatyčnych kancoŭkach sustreč kamanda Facicha Cieryma vyryvała pieramohi ŭ švajcarcaŭ i čechaŭ.
Zatoje ŭžo ŭ čverćfinale mnohija spadziavalisia, što charvaty zmohuć pastavić na miesca tureckuju kamandu. Nia vyjšła. Amal roŭnaja hulnia, ale ź nievialikaj pieravahaj słavian, prachodziła dva tajmy. Zbornyja tak i nie zmahli razmačyć bramnikaŭ – 0:0.
Dadatkovy čas taksama bliziŭsia da skančeńnia, kali Kłaśnič pasłaŭ miač ŭ varoty turkaŭ – 1:0. Što adbyłosia potym ciažka zrazumieć. Siemich Šenturk šalonym udaram na druhoj dadanaj arbitram chvilinie lik zraŭniaŭ. Samaje cikavaje, što sudździa dadavaŭ tolki adnu chvilinu, ale nie paśpieŭ u čas śvisnuć. Voś turki i vyratavalisia ŭ treci raz na dadanych chvilinach.
U seryi penalci psychalahičnaja pieravaha była ŭžo, biassprečna, na baku Turcyi. Charvaty tak i nie apravialisia ad prapuščanaha hołu – dva promachi i adzin udar adbiŭ hałkiper.
Zbornaja Turcyi ŭpieršyniu trapiła ŭ čaćviorku macniejšych kamand Eŭropy. Mnohija charvaty paśla hulni nie chavali ślozaŭ.
Takim čynam, kamanda Facicha Cieryma ŭ paŭfinale 25 červienia syhraje z Hiermanijaj. Druhi paŭfinał składuć pieramožcy paraŭ Halandyja – Rasieja i Italija – Hišpanija. Pryčym, rasiejcy hulajuć užo zaŭtra.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary