U Tatarstanie čatyrnaccacihadovy školnik pamior u vyniku sardečnaha prystupu paśla kureńnia cyharety, paviedamili ŭ prakuratury rehijonu sa spasyłkaj na vyniki sudmiedekśpiertyzy.
«Dzieviacikłaśnik pamior u vyniku sardečnaha prystupu, jaki ŭźnik na fonie atručeńnia nikacinam», — paviedamiŭ starejšy pamočnik prakurora Tatarstana Rusłan Halijeŭ.
18 kastryčnika tatarstanskaje ŭpraŭleńnie SKR paviedamiła, što ŭ siale Nurłaty Zielenadolskaha rajona školnik straciŭ prytomnaść i pamior. Pry hetym u dadzienych SK havaryłasia, što ŭ vučnia naziralisia prykmiety atručeńnia narkatyčnymi rečyvami.
Była raspačataja sprava pa artykule «Schileńnie da ŭžyvańnia narkatyčnych srodkaŭ, psichatropnych rečyvaŭ i ich anałahaŭ, u dačynieńni da niepaŭnaletniaha, što paciahnuła pa nieaściarožnaści śmierć paciarpiełaha».
Paśla prakuratura admianiła pastanovu ab raspačaćci spravy. U nahladnym viedamstvie paviedamili, što pastanova była pryniataja paśpiešliva i nieabhruntavana.
