25 kastryčnika, padčas uručeńnia premii Karłasa Šermana, Biełaruski PEN-centr uručyć taksama svaje tradycyjnyja štohadovyja premii — premiju imia Alesia Adamoviča i premiju imia Franciška Bahuševiča. Pačatak mierapryjemstva — a 19-j u Pres-kłubie (vuł. Viery Charužaj, 3-601, st. mietro «Płošča Jakuba Kołasa»).
Premija imia Alesia Adamoviča była zasnavanaja ŭ studzieni 1995 hoda, praz hod paśla śmierci piśmieńnika, hramadskaha dziejača i adnaho z zasnavalnikaŭ Biełaruskaha PEN-centra Alesia Adamoviča. Premija adznačaje najlepšy publicystyčny tvor, pryśviečany aktualnym prablemam sučasnaści. Łaŭreatami premii byli Pavieł Šaramiet, Siarhiej Dubaviec, Valancin Akudovič, Hanna Soŭś, Hienadź Buraŭkin, Uładzimir Niaklajeŭ, Aleś Bialacki i inš.
Premija imia Franciška Bahuševiča była zasnavanaja ŭ 1994 hodzie i ŭručajecca za vydatnuju histaryčnuju prozu aŭtaram knih, što spryjajuć abudžeńniu histaryčnaj śviadomaści čytačoŭ. Łaŭreaty minułych hadoŭ — Lavon Barščeŭski, Andrej Katlarčuk, Volha Babkova, Ludmiła Rubleŭskaja, Dźmitryj Matviejčyk, Anatol Trafimčyk i inš.
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier77
Kamientary