25 кастрычніка, падчас уручэння прэміі Карласа Шэрмана, Беларускі ПЭН-цэнтр уручыць таксама свае традыцыйныя штогадовыя прэміі — прэмію імя Алеся Адамовіча і прэмію імя Францішка Багушэвіча. Пачатак мерапрыемства — а 19-й у Прэс-клубе (вул. Веры Харужай, 3-601, ст. метро «Плошча Якуба Коласа»).
Прэмія імя Алеся Адамовіча была заснаваная ў студзені 1995 года, праз год пасля смерці пісьменніка, грамадскага дзеяча і аднаго з заснавальнікаў Беларускага ПЭН-цэнтра Алеся Адамовіча. Прэмія адзначае найлепшы публіцыстычны твор, прысвечаны актуальным праблемам сучаснасці. Лаўрэатамі прэміі былі Павел Шарамет, Сяргей Дубавец, Валянцін Акудовіч, Ганна Соўсь, Генадзь Бураўкін, Уладзімір Някляеў, Алесь Бяляцкі і інш.
Прэмія імя Францішка Багушэвіча была заснаваная ў 1994 годзе і ўручаецца за выдатную гістарычную прозу аўтарам кніг, што спрыяюць абуджэнню гістарычнай свядомасці чытачоў. Лаўрэаты мінулых гадоў — Лявон Баршчэўскі, Андрэй Катлярчук, Вольга Бабкова, Людміла Рублеўская, Дзмітрый Матвейчык, Анатоль Трафімчык і інш.
Цяпер чытаюць
26‑гадовага супрацоўніка элітнага падраздзялення мытні асудзілі на 16 гадоў па наборы палітартыкулаў. Сярод іх і «здрада дзяржаве»6
Каментары