U vyniku krušeńnia samalota na Malcie zahinuli supracoŭniki Ministerstva abarony Francyi. Jak paviedamlaje TASS sa spasyłkaj na zajavu francuzskaha ministra abarony Žan-Iva le Dryjana, usie piać čałaviek, jakija zahinuli pry padzieńni, nakiroŭvalisia ŭ Liviju pa zadańni francuzskaj mytnaj słužby.
«Samalot vykonvaŭ naziralnyja misii ŭ Mižziemnamorskim rehijonie dla francuzskaha Minabarony», — rastłumačyŭ le Dryjan. Metaj ich palotu źjaŭlaŭsia manitorynh mihracyjnych patokaŭ u Mižziemnym mory, a taksama vyjaŭleńnie maršrutaŭ nielehalnych pieravozčykaŭ ludziej i narkahandlaroŭ.
Pavodle jaho słoŭ, troje ź piaci členaŭ ekipaža byli supracoŭnikami abaronnaha viedamstva, jašče dvoje — pradstaŭniki kampanii CAE, jakoj i naležaŭ samalot.
Jak skazaŭ na zakančeńnie ministr, dla vyznačeńnia pryčyn NZ pravodzicca ŭnutranaje rasśledavańnie.
Lohkamatorny samalot paciarpieŭ krušeńnie praktyčna adrazu paśla vyletu z aeraporta Malty siońnia ranicaj. Pavodle dadzienych ŚMI, jon upaŭ niedaloka ad miascovaj vajskovaj častki.