Mižnarodny alimpijski kamitet 26 kastryčnika paviedamiŭ ab pazbaŭleńni dzieviaci spartsmienaŭ miedaloŭ letnich Alimpijskich hulniaŭ 2008 hoda ŭ Piekinie za ŭžyvańnie dopinhu. Siarod ich biełaruskija štanhisty Anastasija Novikava i Andrej Rybakoŭ.
Andrej Rybakoŭ, Reuters.com
Ale ž akramia miedaloŭ, spartoŭcy atrymali hrošy i kvatery. Rybakoŭ atrymaŭ dvuchpakajoŭku, Novikava — «adnušku». Taksama Rybakovu vypłacili $50 tysiač za srebrany miedal, Novikavaj — $30 tysiač.
Ci adbiaruć u spartsmienaŭ-machlaroŭ atrymanyja pryzy?
Hienieralny sakratar Nacyjanalnaha alimpijskaha kamitetu Biełarusi Anatol Kotaŭ admoviŭsia adkazvać, patłumačyŭšy, što ŭžo daŭ kamientar biełaruskamu telebačańniu.
U Ministerstvie sportu dali bolš razhornuty adkaz.
«Što tut skazać… Vialiki žal, što našy spartoŭcy ŭžyvali tyja preparaty, jakija nielha vykarystoŭvać», — skazaŭ Uładzimir Nieściarovič, pres-sakratar Ministerstva sportu i turyzmu.
Na jaho dumku, małaimavierna, što spartoŭcaŭ paprosiać viarnuć pryzavyja i kvatery.
«Ja nie pamiataju, što jany atrymali kvatery ci jašče niejkija rečy… Ale što tyčycca hrašovych vypłataŭ, jakija spartoŭcy atrymali ŭ adpaviednaści z ukazam prezidenta, to takoj praktyki nie było, kab ludziej pazbaŭlali pryzavych ci abaviazvali viarnuć hrošy. Pakul takoha nie było jašče ni razu, — skazaŭ Nieściarovič. — Kab pazbaŭlali kvateraŭ, taksama praktyki nie było».
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)