Ці адбяруць у дыскваліфіканых чэмпіёнаў Рыбакова і Новікавай кватэры і прызавыя?
Міжнародны алімпійскі камітэт 26 кастрычніка паведаміў аб пазбаўленні дзевяці спартсменаў медалёў летніх Алімпійскіх гульняў 2008 года ў Пекіне за ўжыванне допінгу. Сярод іх беларускія штангісты Анастасія Новікава і Андрэй Рыбакоў.
Але ж акрамя медалёў, спартоўцы атрымалі грошы і кватэры. Рыбакоў атрымаў двухпакаёўку, Новікава — «аднушку». Таксама Рыбакову выплацілі $50 тысяч за срэбраны медаль, Новікавай — $30 тысяч.
Ці адбяруць у спартсменаў-махляроў атрыманыя прызы?
Генеральны сакратар Нацыянальнага алімпійскага камітэту Беларусі Анатоль Котаў адмовіўся адказваць, патлумачыўшы, што ўжо даў каментар беларускаму тэлебачанню.
У Міністэрстве спорту далі больш разгорнуты адказ.
«Што тут сказаць… Вялікі жаль, што нашы спартоўцы ўжывалі тыя прэпараты, якія нельга выкарыстоўваць», — сказаў Уладзімір Несцяровіч, прэс-сакратар Міністэрства спорту і турызму.
На яго думку, малаімаверна, што спартоўцаў папросяць вярнуць прызавыя і кватэры.
«Я не памятаю, што яны атрымалі кватэры ці яшчэ нейкія рэчы… Але што тычыцца грашовых выплатаў, якія спартоўцы атрымалі ў адпаведнасці з указам прэзідэнта, то такой практыкі не было, каб людзей пазбаўлялі прызавых ці абавязвалі вярнуць грошы. Пакуль такога не было яшчэ ні разу, — сказаў Несцяровіч. — Каб пазбаўлялі кватэраў, таксама практыкі не было».
-
«Наперадзе — доўгі шлях». Гарналыжніца Ліндсі Вон перанесла тры аперацыі пасля падзення на Алімпіядзе, ёй трэба яшчэ мінімум два
-
На Алімпіядзе ў Мілане выступаюць маці і сын — упершыню ў гісторыі! Для яе гэта ўжо сёмыя гульні
-
Усе гульцы зборнай Канады выйшлі на лёд, калі швейцарскага хакеіста выносілі з пляцоўкі
Цяпер чытаюць
У пачатку 2000‑х трое настаўнікаў гісторыі збеглі ва Украіну ад «генацыду беларускага народа», які чыніў рэжым Лукашэнкі. Як склаўся іх лёс?9
Каментары