Premjer-ministry Biełarusi i Rasii abmierkavali ekanamičnyja adnosiny dźviuch krain. Sustreča Andreja Kabiakova i Dźmitryja Miadźviedzieva adbyłasia ŭviečary 27 kastryčnika ŭ Minsku paśla pasiadžeńnia Jeŭrazijskaj mižuradavaha savieta.
«My siońnia ŭžo praviali vialikaje mierapryjemstva pa linii Jeŭrazijskaha sajuza, a ciapier jość mahčymaść pravieści dvuchbakovaje mierapryjemstva, pahavaryć pra biahučy stan našych adnosin, ekanamičnyja zadačy ŭ dźviuch dziaržaŭ, pahavaryć ab prablemach - jany sapraŭdy jość, — a taksama pahavaryć pra pierśpiektyvy — jany taksama jość», — pryvodzić BiełaPAN słovy Miadźviedzieva, adrasavanyja Kabiakovu.
Rasijski premjer taksama paličyŭ nieabchodnym namiecić na sustrečy płany na budučyniu z ulikam biahučaj ekanamičnaj situacyi.
U svaju čarhu, Kabiakoŭ taksama adznačyŭ, što «jość šerah momantaŭ», jakija nieabchodna abmierkavać. Pry hetym kiraŭnik biełaruskaha ŭrada źviarnuŭ uvahu na ŭzajemavyhadny charaktar adnosin RF i Biełarusi.
«U našych krain tradycyjna uzajemavyhadnaje handlova-ekanamičnaje supracoŭnictva, ale jość šerah momantaŭ, jakija isnujuć, i jany patrabujuć peŭnaha ŭdziełu na ŭzroŭni premjer-ministraŭ dla ich vyrašeńnia», - skazaŭ biełaruski premjer-ministr.
Vyniki pieramovaŭ pakul nieviadomyja. Pierad sustrečaj mierkavałasia, što na joj budzie abmierkavana pytańnie pieraličeńnia biełaruskim bokam abiacanych hrošaj za rasijski haz.
Kamientary