Hramadstva33

Da vieteranaŭ śpiecnaza Paŭličenki pryjazdžaŭ niezvyčajny hość: biełarus, ale musulmanin

Na čarhovyja zaniatki pa taktyčnaj padrychtoŭcy dobraachvotnickaha atrada Asacyjacyi vieteranaŭ śpiecnaza MUS, jakim kiruje sumnaviadomy adstaŭny pałkoŭnik Dźmitryj Paŭličenka, u pačatku červienia pryjazdžaŭ niezvyčajny hość, zaŭvažyŭ Mayday.team.

Siarhiej Dziatko druhi źleva, Dźmitryj Paŭličenka treci źleva 

Nibyta «z metaj abmienu dośviedam» Minsk naviedaŭ staršynia Rady krapavych bieretaŭ vajskoŭcaŭ zapasu Karelii, uradženiec biełaruskaj stalicy Siarhiej Dziatko. Adnak u Karelii jon viadomy pad inšym imiem — Dziatko Said Abduł Aziz (Siarhiej) Alaksandravič. Jon staršynia Duchoŭnaha ŭpraŭleńnia musulman Respubliki Karelija (Karelski Muchtasibat).

Said Abduł Aziz Dziatko

Dźmitryj Paŭličenka, viadomy jak kamandzir łukašenkaŭskich «eskadronaŭ śmierci» jašče 1990-ch hadoŭ, pradstaviŭ hościa jak vieterana, jaki prachodziŭ słužbu ŭ jašče savieckich padraździaleńniach pa baraćbie z teraryzmam, udzielnika 11 bajavych apieracyj, u tym liku va Uźbiekistanie, Nahornym Karabachu, Abchazii, a taksama pa vyzvaleńni zakładnikaŭ u Suchumi ŭ 1990 hodzie (na toj momant Siarhieju Dziatko było ŭsiaho 20 hadoŭ).

Pry hetym Paŭličenka nie kazaŭ, što ŭ 1997 hodzie śpiecnazaviec Siarhiej Dziatko pryniaŭ isłam u Inhušecii, praz čatyry hady vyjechaŭ u Livan vučyć arabskuju movu, a pa viartańni na praciahu troch hadoŭ byŭ pamočnikam muftyja Biełarusi pa pytańniach adukacyi.

Paśla hetaha jon skončyŭ bakałaŭryjat šaryjackaha fakulteta ŭ Jeŭrapiejskim instytucie humanitarnych navuk va Uelsie, a z 2010 hoda — paśla raźmierkavańnia vypusknikoŭ — jon staŭ imamam miačeci ŭ Pietrazavodsku.

U ciapierašni vizit u Minsk jon pryjazdžaŭ z žonkaj, mahiloŭkaj Marjam Kavalovaj, jakaja taksama pryniała isłam. U Minsku i Homieli jana pieryjadyčna pravodzić relihijnyja zaniatki dla dziaciej siemjaŭ, jakija pryniali isłam, a taksama viadzie pracu supolnaści musulmanak Biełarusi.

Siarhiej Dziatko ŭ Minsku

U Karelii Abduł Aziz taksama pieryjadyčna nadziavaje vajskovuju formu i savieckija ordeny i ŭ takim vyhladzie pravodzić lekcyi dla sałdat avijapałka ŭ pasiołku Biesaviec. Muftyj sprabuje pryščapić rasijskim navabrancam asnovy isłamu i pravodzić hutarki duchoŭna-maralnaha źmiestu.

Musulmanie Rasii imknucca nie kranacca temy vajny Rasii suprać Ukrainy, ale aktyŭna dapamahajuć žycharam Hazy. Muftyj Karelii Šejch Abduł Aziz pieryjadyčna jeździć na kursy pavyšeńnia kvalifikacyi ŭ Ankaru.

Kamientary3

  • N.Ł. Lešukov
    10.06.2025
    Imam stoit vmiestie s čiełoviekam, kotoryj vykrał i rasstrielał nievinnych ludiej na zakaz.
    • Barsukov
      10.06.2025
      N.Ł. Lešukov, a s čieho ty vział čto oni byli nievinnymi?
      • N
        10.06.2025
        Barsukov , V čiom była vina Hončara i Krasovskoho, čto ich ubili?
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Biełaruski forvard polskaj «Lehii» Illa Škuryn nie lacić na matč u Kazachstan praź niebiaśpieku być zatrymanym4

Biełaruski forvard polskaj «Lehii» Illa Škuryn nie lacić na matč u Kazachstan praź niebiaśpieku być zatrymanym

Usie naviny →
Usie naviny

Łukašenka pryhraziŭ uradu adkaznaściu za «svavolstvy» z cenami5

Ukraina rakietnym udaram pakinuła rasijskuju elitnuju bryhadu marpiechaŭ biez kamandavańnia4

Iłan Mask zajaviŭ, što štučny intelekt užo siońnia razumniejšy za bolšaść ludziej4

Zialenski prapanavaŭ uznačalić urad Ukrainy Julii Śvirydzienka

Labiedźka pra syna-palitviaźnia: Heta nie bravada, ja hatovy abmianiać siabie na jaho12

Łukašenka pravieryŭ fizpadrychtoŭku hienierałaŭ. «Usie pakazali tolki vydatnyja vyniki»17

U Kramatorsku źbiehli z-pad ukrainskaha kanvoju čaćviora rasijskich vajskoŭcaŭ3

Na raskopkach u Kreŭskim zamku znajšli niekalki kukuciaŭ. Što heta takoje?1

Karniej raskazaŭ, jak z-za kancłahiernaj chudzizny jaho prymajuć za Cichanoŭskaha. Heta vyklikaje kamičnyja situacyi3

bolš čytanych navin
bolš łajkanych navin

Biełaruski forvard polskaj «Lehii» Illa Škuryn nie lacić na matč u Kazachstan praź niebiaśpieku być zatrymanym4

Biełaruski forvard polskaj «Lehii» Illa Škuryn nie lacić na matč u Kazachstan praź niebiaśpieku być zatrymanym

Hałoŭnaje
Usie naviny →

Zaŭvaha:

 

 

 

 

Zakryć Paviedamić