Minharvykankam vyznačyŭ normy raschodaŭ na pryjom zamiežnych delehacyj
Minski harvykankam ustanaviŭ normy raschodaŭ na pryjom i absłuhoŭvańnie zamiežnych delehacyj i asobnych asob. Rašeńnie haradskich uładaŭ apublikavana na Nacyjanalnym pravavym partale.
Zhodna z dakumientam apłata pražyvańnia ŭ haścincy ŭ sutki na adnaho čałavieka, uklučajučy košt śniadanku, dla kiraŭnika delehacyi budzie rabicca zhodna z pradstaŭlenymi rachunkami, dla člena delehacyi, pierakładčyka i supravadžalnych asob — zhodna z pradstaŭlenymi rachunkami, ale nie vyšej za košt adnamiesnaha numara.
Apłata charčavańnia ŭ sutki na adnaho čałavieka, u tym liku supravadžalnych asob, abydziecca ŭ sumu da 5 piaci bazavych vieličyń (1 bazavaja vieličynia ciapier składaje 21 rubiel), nabyćcio suvieniraŭ i pamiatnych padarunkaŭ dla kiraŭnika delehacyi — da 20 bazavych vieličyń, dla člena delehacyi — da 10 bazavych vieličyń i hetak dalej.
Va ŭpraŭleńni spravami Minharvykankama, kamientujučy BiełaPAN pryniataje rašeńnie, adznačyli, što normy raschodaŭ na pryjom i absłuhoŭvańnie zamiežnych delehacyj raspracavany na padstavie pastanovy Savieta ministraŭ № 676 ad 10 maja 2001 hoda.
«My ŭziali za asnovu normy Saŭmina», — skazali va ŭpraŭleńni.
Tam adznačyli, što raschody na charčavańnie, da prykładu, zaležać ad taho, kolki razoŭ u dzień charčujucca delehaty. «Kali jany charčujucca ceły dzień, to [na charčavańnie pojdzie] piać bazavych, kali jany tolki abiedajuć, to ŭ zaležnaści ad hetaha, dapuścim, try bazavyja», — skazali ŭ Minharvykankamie.
Jak praviła, udzielnikaŭ vodziać charčavacca ŭ restarany kamunalnaj ułasnaści, da prykładu raźmieščanyja ŭ haścinicach «Viktoryja» ci «Biełaruś». «Dzie pražyvajuć, tam, jak praviła, i charčujucca», — padkreślili va ŭpraŭleńni spravami.
Pry hetym Minharvykankam nie raźmiažoŭvaje zamiežnyja delehacyi pa jakich-niebudź kryteryjach: «Dla nas usie adnolkavyja. U pastanovie Saŭmina niama padziełu — heta dypłamat, biźniesmien i hetak dalej. Padychod da ŭsich adnolkavy».
Ciapier čytajuć
Na mitynhu ŭ Vilni zatrymali pravakatara. A Cichanoŭski zajaviŭ pra namier dabivacca sustrečy ź Zialenskim10
Kamientary