Maskoŭskija ŭłady aficyjna dazvolili pravieści «Ruski marš» u Dzień narodnaha adzinstva 4 listapada ŭ rajonie Lublino. Šeście pačniecca ŭ 13:00 pa Maskvie, paviedamlaje VVS.
Jak paviedamiŭ adzin z arhanizataraŭ akcyi Ivan Bialecki, departamient rehijanalnaj biaśpieki ŭrada Maskvy nakiravaŭ im aficyjnuju papieru. Raniej akcyja była ŭzhodnienaja tolki na słovach.
Kab uzhadnić «Ruski marš» z uładami, arhanizataram pryjšłosia admovicca ad kancertu i skaracić jaho pa časie. Akramia taho, pa słovach adnaho z arhanizataraŭ Juryja Horskaha, u chodzie pieramovaŭ čynoŭniki departamienta nastajali na źmienie aficyjnaj nazvy mierapryjemstva.
«Skazali, što ŭzhodnim, ale pry ŭmovie, kali budziem nazyvać «Ruski marš» «Šeściem nacyjanalistaŭ u dzień narodnaha adzinstva» i prasili intervju ŭ presie nie davać, ale heta, ja liču, užo zanadta», — skazaŭ jon.
«Ruski marš» prachodzić štohod z 2005 hoda ŭ Dzień narodnaha adzinstva 4 listapada. U 2015 hodzie na akcyju pryjšło značna mienš ludziej, čym u papiarednija hady — pavodle danych palicyi, usiaho 500 čałaviek.
Kamientary