Andruś Horvat za tydzień sabraŭ hrošy na vydańnie svajoj knihi
Na kraŭdfandynhavaj placoŭcy talaka.by na vydańnie knihi «Radziva Prudok» Andrusia Horvata sabrali ŭžo 108 pracentaŭ ad patrebnaj sumy — 3 250 rubloŭ.
Płanavałasia vydać 300 asobnikaŭ knihi. Adnak vidavočna, što achvotnych jaje atrymać bolš, čym 300 čałaviek.
«Ura! My heta zrabili! Roŭna za tydzień my sabrali patrebnuju sumu na vydańnie «Radziva Prudok» i pradali kala trochsot asobnikaŭ, — napisaŭ Andruś u fejsbuku. — Vialiki dziakuj za davier i dapamohu! Ja nie paškadavaŭ, što abraŭ placoŭkaj Tałaku. Prablemy ŭźnikali, ale jany chutka vyrašalisia. Ja nikoli nie adčuvaŭ, što adzin, zaŭsiody pobač byli plečy. Charošaje i patrebnaje słova — Tałaka. Charošyja i patrebnyja ludzi — tałakoŭcy. Ja viedaju, što nie ŭsie jašče paśpieli zamović knihu z tych, chto chacieŭ. Ale čas jość da kanca miesiaca. Kali nie daście rady zrabić heta praz kartku, pišycie mnie, prydumajem inšy sposab. Kniha pradavacca ŭ kniharniach nie budzie. Jaje adzinaja prezientacyja adbudziecca ŭ Prudku dla prudkaŭcoŭ. Budu imknucca vydać dziońnik da kanca hoda. Dziakuj vam!»
Kamientary