Žychara Klecka asudzili za vykradańnie mihrantaŭ i vymahańnie ź ich hrošaj
U Minsku vynieśli prysud raniej nie sudzimamu 32-hadovamu žycharu Klecka. Jaho abvinavacili ŭ vykradańni dvuch zamiežnikaŭ i vymahańni hrošaj u ich rodnych, piša ahienctva «Minsk-Naviny».
Dvoje zamiežnych hramadzian pryjechali ŭ Minsk, kab praź Biełaruś trapić u Jeŭropu. Žyli jany ŭ zdymnaj kvatery. Adnojčy jany paprasili svajho «kuratara» vyklikać taksi, kab pajechać na rynak. Ale zamiest rynku taksi padviezła mužčyn da doma na vulicy Asipienki, dzie ich sustreŭ nieznajomy mužčyna i zaprasiŭ u kvateru.
Tam jon zamknuŭ dźviery, adabraŭ u haściej telefony, pačaŭ ich źbivać i pahražać, patrabujučy amal 54 tysiačy rubloŭ u pieraliku ź indyjskich rupij. Mužčyna źviazaŭ zamiežnikaŭ, zatknuŭ im rty majkami, pastaviŭ na kaleni i patelefanavaŭ ich svajakam z patrabavańniem pieraličyć hrošy.
Pry hetym jon biŭ svaich pałonnych, nastupaŭ na šyi, prykładaŭ nož i ŭžyvaŭ elektryčny tok, zakranajučy aholenym drotam ich cieły. Usio heta jon zdymaŭ na videa. Vypuściŭ zakładnikaŭ tolki pozna ŭnačy.
Na sudzie abvinavačany nie pryznaŭ svajoj viny i śćviardžaŭ, što dziejničaŭ nibyta pa prośbie «kuratara» mihrantaŭ, jaki byŭ jamu pavinien vialikuju sumu i paprasiŭ dapamahčy jaje spahnać ź mihrantaŭ. Pavodle słoŭ mužčyny, navat videa byli pastanoŭkaj, a sami inšaziemcy nibyta zhadzilisia ŭ joj udzielničać.
Tym nie mienš, sud pryznaŭ abvinavačanaha vinavatym u vykradańni ludziej i vymahańni i pryznačyŭ pakarańnie — 7 hadoŭ pazbaŭleńnia voli ŭ kałonii ŭzmocnienaha režymu, a taksama štraf u pamiery 200 bazavych vieličyń (8 400 rubloŭ). Praŭda, pavodle zakona ab amnistyi adzin hod z hetaha terminu jamu byŭ adrazu skasavany.
Nie bajacca ni boha ni čorta. Jak tajnyja pakupniki kašmarać kramy pad Minskam
U biełaruskich radzilniach biaruć u zakładniki niemaŭlat, jakich naradzili mihrantki, kab spahnać z baćkoŭ hrošy? Raźbirajemsia
Haradzienca asudzili na 13 hadoŭ za vymahańnie ŭ ajcišnika kryptavaluty na miljard rubloŭ
U Homieli dvoje hastarbajtaraŭ-biełarusaŭ katavali tavaryša prasam
Ciapier čytajuć
Vital z-pad Vilejki, jaki padpaliŭ chatu z ułasnymi dziećmi, zavierbavaŭsia ŭ rasijskaje vojska. I prapaŭ na pieršym ža bajavym zadańni5
Kamientary