Učora Minsk znoŭ zatapiła. Čamu stalica nie hatovaja da daždžoŭ?
Učora Minsk znoŭ apynuŭsia pad vadoj paśla mocnaj zalevy. Daždžy paralizavali ruch na mnohich vulicach, zalili padvały damoŭ i handlovych centraŭ, pieratvaryŭšy haradskija darohi ŭ reki. Najbolš paciarpieli rajony Niamihi, vulicy Prytyckaha, Šaranhoviča, a taksama nizinnyja častki Uručča i Čyžoŭki.
U sacsietkach źjavilisia videa, dzie aŭtamabili litaralna płyvuć, a piešachody ź ciažkaściu pierachodziać praz vadu.
Choć haradskija ŭłady štohod zajaŭlajuć pra hatoŭnaść da niepahody, minčuki z hodu ŭ hod znoŭ i znoŭ nazirajuć adnu i tuju ž situacyju.
U čym pryčyna: u niezvyčajnym nadvorji ci ŭ prablemach infrastruktury, zadajecca pytańniem haradski telehram-kanał This Minsk Media.
Pa-pieršaje, niahledziačy na abnaŭleńni, liŭnievaja kanalizacyja ŭ Minsku sastarełaja i nie vytrymlivaje sučasnych nahruzak. U niekatorych rajonach jana nie ramantavałasia jašče z savieckaha času, truby zaśmiečanyja listotaj, piaskom i bytavymi adkidami.
Pa-druhoje, u horadzie značna pamienieła zialonych terytoryj, jakija raniej naturalna ŭbirali daždžavuju vadu. Ich zamianili asfalt i plitka, praź jakija vada nie pranikaje ŭ hlebu, a zalivaje darohi i tratuary, pierahružajučy drenna pracujučuju sistemu.
Treciaja pryčyna — źmianieńnie klimatu. Pavodle danych sinoptykaŭ, u Biełarusi ŭsio čaściej fiksujucca ekstremalnyja źjavy nadvorja. Zalevy, jak taja, što prajšła 5 červienia i pryniesła da 40 mm apadkaŭ — amal miesiačnuju normu, — stali sapraŭdnym vyprabavańniem dla infrastruktury.
Kamunalnyja słužby, jakija pracavali da poźniaha viečara, zasłuhoŭvajuć udziačnaści. Ale biez maštabnaj madernizacyi liŭnievaj sistemy i stvareńnia efiektyŭnych vodazbornych rašeńniaŭ prablema tak i budzie paŭtaracca štohod.
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1313
Kamientary
A tak słušna, Vy b zadalisia pytańniem jašče, kolki učora było patoplena kitajskich elektryčak u Minsku)