Im akazaŭsia bieraściejec 1959 hoda naradžeńnia.
Ustanoŭlena, što ranicaj 16 listapada mužčyna ruchaŭsia na lehkavym aŭtamabili marki «Chiondaj Tusał» pa vulicy Puškinskaj. Kala 8.00 jon najechaŭ na 14-hadovuju školnicu, jakaja pierasiakała prajeznuju častku pa nierehulavanym piešachodnym pierachodzie. Kiroŭca spyniŭsia i paśpiašaŭsia na dapamohu paciarpiełaj. Dziaŭčynka spałochałasia, da taho ž bajałasia spaźnicca na ŭroki. Jana skazała, što ź joj usio dobra, i ŭciakła. Adnak praź dźvie hadziny jaje stan rezka pahoršyŭsia. Bryhada chutkaj dapamohi dastaviła paciarpiełuju ŭ traŭmatałahičnaje adździaleńnie dziciačaj abłasnoj balnicy.
«Pamyłkaj kiroŭcy było toje, što jon pakinuŭ miesca DTZ. U lubym vypadku treba zastavacca na miescy i vyklikać supracoŭnikaŭ Dziaržaŭtainśpiekcyi. Ciapier jamu pahražaje adkaznaść pa č.4 st.18.17 KaAP (pakidańnie kiroŭcam miesca darožna-transpartnaha zdareńnia)», — patłumačyła načalnik adździaleńnia DAI.
