Hołas prezidenta Francyi Fransua Alanda trochi trymcieŭ, kali jon vystupaŭ z telezvarotam, u jakim abvieściŭ, što nie budzie dabivacca pieraabrańnia prezidentam krainy.
Prezident Francyi Fransua Aland zajaviŭ, što nie budzie ŭdzielničać u vybarach kiraŭnika dziaržavy ŭ 2017 hodzie.
Z adpaviednym telezvarotam jon vystupiŭ na telekanale France 2 učora.
«U bližejšyja miesiacy maim adzinym abaviazkam budzie kiraŭnictvam krainaj, jakoje vy mnie davieryli ŭ 2012 hodzie», — zajaviŭ jon.
Ałand stanie pieršym u sučasnaj historyi Francyi prezidentam, jaki nie pasprabuje pieraabracca na druhi termin. Vyklučeńnie składaje Žorž Pampidu, jaki pamior da zakančeńnia pieršaha terminu.
Aland admoviŭsia ad udziełu, bo zrazumieŭ, što nie zdoleje abjadnać vakoł siabie levyja siły. Jon samy niepapularny prezident u historyi Francyi. Jaho ličać biazvolnym, temaj dla žartaŭ stała i jahonaje asabistaje žyćcio. Paparacy sfatahrafavali, jak jon pryjazdžaje da svajoj kachanki na matarolery.
U telezvarocie Aland dakazvaŭ, što miery, pryniatyja jaho ŭradam, daduć ekanamičny efiekt, choć i paźniej.
Miarkujecca, što kandydatam ad sacyjalistaŭ stanie premjer-ministr Maniuel Vals. Jaho hałoŭnym supiernikam stanie kandydat ad pravaj partyi «Respublikancy» Fransua Fijon.
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni13
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary