Nieviadomyja pranikli na siadzibu palityka ŭ vioscy Bieršty i paškodzili pryparkavanyja aŭto - akurat napiaredadni jahonaha vyjezdu na čarhovyja sustrečy ź ludźmi.
U noč na 5 lipienia nieviadomyja pranikli na siadzibu Alaksandra Milinkieviča ŭ vioscy Bieršty i paškodzili pryparkavanyja aŭto.
Złačyncy prabili čatyry koły na dźviuch mašynach. U hety čas palityk razam ź siamjoj byŭ u chacie. Susiedzi bačyli niemiascovyja mašyny z padazronymi ludźmi.
Na niadzielu 6 lipienia ŭ Milinkieviča byli zaplanavanyja sustrečy z budučymi kandydatami ŭ pałatu pradstaŭnikoŭ. Mienavita hetym planam, na dumku eks-kandydata ŭ prezydenty, i sprabavali pieraškodzić «nieviadomyja».
Padobnym ža čynam, damarosłyja terarysty sprabavali sarvać u krasaviku sustrečy Milinkieviča z žycharami Mastoŭ i Horadni. Tady byli paškodžanyja čatyry mašyny ŭ dvary doma. A na miescy zdareńnia zastalisia ślady vajskovych biercaŭ.
Dziva što ŭłady nie dali rady za try hady znajści aŭtara viciebskich teraktaŭ - milicyja i KDB pilnujuć kožny krok apazycyjnych palitykaŭ, dy tak i «nia mohuć» adšukać zładziejaŭ u biercach.
Ciapier čytajuć
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy21
Kamientary