U Balivii raźbiŭsia samalot, jaki pieravoziŭ hrošy, zahinuli 15 čałaviek
Samalot balivijskich VPS paciarpieŭ krušeńnie pry sprobie pryziamlicca ŭ aeraporcie horada El-Alta pobač z Ła-Pasam, paviedamlaje miascovy telekanał Unitel.
Pavodle źviestak miascovaha ŭpraŭleńnia avijacyi, łajnier vykaciŭsia za miežy ŭźlotna-pasadačnaj pałasy na ažyŭlenuju šašu, razvaliŭsia i zahareŭsia. Jaho abłomkami byli paškodžany aŭtamabili, jakija jechali ŭ hety čas pa šašy.
U vyniku katastrofy, jak paviedamili ratavalniki, zahinuli nie mienš za 15 čałaviek, u tym liku ekipaž samalota i ludzi, jakija znachodzilisia ŭ aŭtamabilach.
Jak udakładniaje Unitel, samalot pa zamovie miascovaha centrabanka pieravoziŭ u Ła-Pas novyja banknoty, jakija paśla krušeńnia łajniera raźlacielisia pa akruzie. Na miescy incydentu sabrałasia vialikaja kolkaść ludziej, jakija sprabavali sabrać kupiury, palicyi daviałosia ŭžyć dla ich razhonu ślezaciečny haz, paviedamlaje telekanał.
Paźniej kiraŭnik centrabanka Balivii David Eśpinosa abviaściŭ, što banknoty, jakija pieravozilisia hetym samalotam, niesapraŭdnyja i da apłaty prymacca nie buduć.
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»27
Kamientary