Невядомыя праніклі на сядзібу палітыка ў вёсцы Бершты і пашкодзілі прыпаркаваныя аўто - акурат напярэдадні ягонага выезду на чарговыя сустрэчы зь людзьмі.
У ноч на 5 ліпеня невядомыя праніклі на сядзібу Аляксандра Мілінкевіча ў вёсцы Бершты і пашкодзілі прыпаркаваныя аўто.
Злачынцы прабілі чатыры колы на дзьвюх машынах. У гэты час палітык разам зь сям’ёй быў у хаце. Суседзі бачылі немясцовыя машыны з падазронымі людзьмі.
На нядзелю 6 ліпеня ў Мілінкевіча былі заплянаваныя сустрэчы з будучымі кандыдатамі ў палату прадстаўнікоў. Менавіта гэтым плянам, на думку экс-кандыдата ў прэзыдэнты, і спрабавалі перашкодзіць «невядомыя».
Падобным жа чынам, дамарослыя тэрарысты спрабавалі сарваць у красавіку сустрэчы Мілінкевіча з жыхарамі Мастоў і Горадні. Тады былі пашкоджаныя чатыры машыны ў двары дома. А на месцы здарэньня засталіся сьляды вайсковых берцаў.
Дзіва што ўлады не далі рады за тры гады знайсьці аўтара віцебскіх тэрактаў - міліцыя і КДБ пільнуюць кожны крок апазыцыйных палітыкаў, ды так і «ня могуць» адшукаць зладзеяў у берцах.
Цяпер чытаюць
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі15
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю4949
Каментары